Ինչպես է ՍԴՀԿ-ն վերաբերվում ԱԺ ոչ իշխանական քառյակի գործողություններին, և արդյոք հնարավոր համարում է, որ Հայաստանում կստեղծվի ազգային համաձայնության կառավարություն:
Սոցիալ Դեմոկրատ Հնչակյան կուսակցության համար ցանկացած քաղաքական միավորում իմաստ ունի, եթե այն համախմբվում է գաղափարական միասնության և երկիրը ճգնաժամից հանելու օրհասական խնդրի շուրջ: Հիմա ձեր նշած համախմբումը միայն մեկ խնդիր ունի. Հնարավորինս շուտ մեկ գործչի փոխարինել մեկ այլ գործիչով: Մենք տեսել ենք, որ այդ ուժերից 3-ը տարբեր շրջաններում եղել են իշխանության բարձրագույն էշելոններում, սակայն իրենց գործողություններով չեն նպաստել երկրում համակարգային փոփոխություններին: Անձի փոփոխությունն անիմաստ է, եթե չի փոխվում արատավոր համակարգը, որը մեր երկրում ծնունդ է առել 90-ականների սկզբներից: Ինչ վերաբերում է ազգային համաձայնության կառավարությանը, ապա այս հանգրվանում նմանատիպ ձևաչափն առնվազն իրատեսական չէ: Անգամ եթե լինի նման համախմբում, ապա այն լինելու է աթոռի, այլ ոչ թե քաղաքացիների շուրջ:
Այդ պարագայում ինչ է առաջարկում ՍԴՀԿ-ն:
Մենք, իբրև 127-ամյա քաղաքական պայքարի փորձ ունեցող հեղափոխական կուսակցություն, հավատում ենք, որ Հայաստանին օր առաջ անհրաժեշտ են համակարգային փոփոխություններ: Պետք է վերացնել այս արատավոր համակարգը, որը կեղեքում է ժողովրդին վերջին 24 տարիների ընթացքում: Միայն և միայն համակարգային փոփոխությունները, աշխատավոր մարդու իրավունքների պաշտպանությունը, օլիգարխիայի դեմ պայքարը կարող են ապահովել մեր վաղվա օրը:
Կարդացեք նաև
ՍԴՀԿ
