ՀՀ Ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնի 1-ին բաժանմունքի ավագ քննիչ, ոստիկանության կապիտան Էդգար Պետրոսյանը քիչ առաջ հրապարակված դատավճռով մեղավոր ճանաչվեց՝ ՀՀ քրեական օրենսգրքի 311-րդ հոդվածի 3-րդ մասի 1-ին և 3-րդ կետերով՝ շորթմամբ խոշոր չափերով կաշառք ստանալը: Դատարանը նրան դատապարտեց 4 տարվա ազատազրկման՝ առանց գույքի բռնագրավման: Ըստ մեղադրանքի՝ մասնավոր գանգատի հիման վրա խարդախության հատկանիշներով հարուցված քրեական գործով քննիչին հանձնարարվել էր կարճել գործը, իսկ նա էլ որոշել էր օգտվել առիթից եւ իր լիազորությունների սահմաններում կայացրած որոշման համար փող աշխատել՝ պահանջելով 1000 դոլար՝ գործը կարճելու համար: Իր պաշտպանական ճառում ամբաստանյալը հայտարարել էր, որ քննությունն իր արարքին ճիշտ քրեաիրավական գնահատական չի տվել՝ այն պետք է ոչ թե կաշառք որակվեր, այլ կաշառք ստանալու պատրվակով խարդախություն:
Նյութի մանրամասները կարդացեք «Փաստինֆո»-ի կայքում
