Մայրաքաղաքում վաղ առավոտից շարունակվում են հաճելի անակնկալները Մայրության և գեղեցկության տոնի առիթով: Երևանի քաղաքապետարանի գլխավոր, ինչպես նաև Փ. Բուզանդի 1/3 հասցեում գտնվող երկրորդ մասնաշենքերի «Մեկ պատուհան» գրասենյակներում քաղաքապետարան այցելող բոլոր կանանց դիմավորում են Երևանի քաղաքապետ Տարոն Մարգարյանի շնորհավորական ուղերձով բացիկներով և ծաղիկներով: Տոնական անակնկալը հաճելիորեն զարմացրել է կին այցելուներին, ովքեր, շնորհակալություն հայտնելով ուշադրության ու ջերմ վերաբերմունքի համար, օգտվելով առիթից նաև իրենց անկեղծ գոհունակությունն են հայտնել՝ Երևանն օր օրի ավելի բարեկարգ ու հարմարավետ դարձնելու համար:
Երևանի քաղաքապետարանի տեղեկատվության
և հասարակայնության հետ կապերի վարչություն
