ՀՀ արտաքին գործերի նախարարության, ՀՀ մշակույթի նախարարության և Հայաստանում Ֆրանսիայի դեսպանատան բարձր հովանու ներքո ֆրանկոֆոնիայի օրերի ծրագրում ապրիլի 20-ին, ժամը 19-ին Ալ. Սպենդարյանի անվան օպերայի և բալետի ազգային ակադեմիական թատրոնում կկայանա համերգ «Երաժշտությունը համախմբում է մեզ» կարգախոսով: Համերգի ընթացքում առաջին անգամ հայ կոմպոզիտորների երգերը կհնչեն ֆրանսերենով: Համերգին մասնակցում են ճանաչված և սիրված հայ երգիչ-երգչուհիներ՝ Սոնա Շահգելդյան, Էրիկ, Էմմա Պետրոսյան, Մերի Մնջոյան, Նարեկ Մակարյան, Էմմա Ասատրյան, Վարդան Բադալյան և այլ կատարողներ: Համերգը կվարեն Ավետ Բարսեղյանը և Հայկ Պետրոսյանը:
Համերգի կենդանի երաժշտությունը կապահովի Հանրային ռադիոյի էստրադային-սիմֆոնիկ նվագախումբը, գեղարվեստական ղեկավար՝ Երվանդ Երզնկյան:
Համերգի կազմակերպիչներ՝ Երևանի պետական համալսարանի «Մասս մեդիա» գիտակրթական կենտրոն և «Հայկական Ալիանս Ֆրանսեզ» հասարակական կազմակերպություն:
Ծրագրի հեղինակ՝ Հասմիկ Առաքելյան:
Բեմադրող ռեժիսոր՝ Տարոն Կոխլիկյան:
Գործընկերներ՝ Երևանի քաղաքապետարան և Հայաստանի հանրային հեռուստաընկերություն:
Համերգից ստացված ողջ հասույթը կուղղվի Հայաստանի 5 դպրոցներում իրականացվող «Խորացված ֆրանսերեն» ծրագրին, կտպագրվեն նոր մեթոդով ֆրանսերեն դասագրքեր:
«Հայկական Ալիանս Ֆրանսեզ» հասարակական կազմակերպություն
