Aravot.am-ը Հայաստանի երիտասարդական հիմնադրամի (ՀԵՀ) գործադիր տնօրեն Ալեքսանդր Տեր- Հովակիմյանից հետաքրքրվեց արդյոք ՄԻԱՎ/ՁԻԱՀ-ի մասին իրազեկման միջոցառումներ կազմակերպվո՞ւմ են, մանավանդ ինքը նման երկարամյա փորձ ունի: Մեր զրուցակցին հիշեցրինք, որ 2005-ին Երեւանի պետական կոնսերվատորիայի Ղ. Սարյանի անվան օպերային ստուդիայի հետ Ռոսինիի «Սեւիլյան սափրիչ» օպերայի բեմադրության ժամանակ պահպանակներ էին բաժանել հանդիսատեսին՝ «ՁԻԱՀ-ը մե՛ր խնդիրն է» կարգախոսով: Պարոն Տեր-Հովակիմյանը հիշեցրեց, որ այդ օպերայում Ֆիգարոյին ՄԻԱՎ վարակակիր էին ներկայացրել՝ հասարակության ուշադրությունը առողջ ապրելակերպի ու հիգիենայի տարրական կանոնների պահպանման վրա բեւեռելու նպատակով:
Նա հավելեց, որ ՀԵՀ-ը քանիցս նման ծրագրեր է իրականացրել: Ըստ Տեր-Հովակիմյանի, անցյալ «Գլոբալ» հիմնադրամից իրենք դրամաշնորհ էին ստացել՝ 29000 միգրանտի ՄԻԱՎ-ՁԻԱՀ-ի մասին իրազեկելու համար: «Ինչ մեղքս թաքցնեմ, այդ ընթացքում էլ են պահպանակներ տրվել…Ընդհանրապես պետք է փոխել վերաբերմունքը. պահպանակը եւս հիգիենայի միջոց է»:
Գոհար ՀԱԿՈԲՅԱՆ
Էդ միավ, ձիահ չարտասանվող, զզվելի բառերի փոխարեն կարգին համարժեքներ մտածեք էլի…..ինչքան նողկալի բառեր են….մի 20 տարի առաջ էդ ձիահի տեղը ոմանք առաջարկեցին դավ` դիմադրության անկման վարակ….շատ դիպուկ….տո հենց սպիդ ձեւով էլ կարելի ա, առանց մեծատառերի….բայց ոչ ձիահ….մարդ քիչ ա մնում որձկա….