Այսօր «Ժառանգություն» կուսակցության առաջնորդ Րաֆֆի Հովհաննիսյանը Վանաձորում հանրային նախահավաք էր կազմակերպել:
Բացի նրանից` ելույթ ունեցավ նաեւ «Ժառանգություն» կուսակցության փոխնախագահ Արմեն Մարտիրոսյանը:
Նա նշեց, որ երկիրը փոփոխությունների փուլում է:
Արմեն Մարտիրոսյանն անդրադարձավ Տիգրան Սարգսյանի հրաժարականի պատճառներին:
Կարդացեք նաև
«Ես կարծում եմ, որ Սերժ Սարգսյանը վարչապետի հրաժարականով փորձեց քաղաքական գործընթացների նախաձեռնությունը մի փոքր իր ձեռքը վերցնել: Այսինքն` քաղաքական չորս ուժերը, հասարակական խմբերը, ըստ էության, որոշակիորեն միջնորդավորված ձեւով այդ պահանջը ունեին իշխանափոխության, եւ իշխանափոխության առաջին փուլ չորս ուժերը տեսնում էին կառավարության հրաժարականի մեջ: Որպեսզի ինքը կարողանա գործընթացը թույլ չտալ, իր տրամաբանությամբ զարգանա, ինքը պետք է կանխարգելիչ քայլ կատարեր»,-ասաց Արմեն Մարտիրոսյանը:
Անուշ ԲՈՒԼՂԱԴԱՐՅԱՆ
