Մաշտոցի պողոտայում նոյեմբերի 5-ի իրադարձությունների հետևանքով 14 կալանավորվածներից ազատ արձակված Միսաք Առաքելյանի (լուսանկարում) փաստաբան Հովհաննես Քոչարյանը դեռ չի շտապում իր պաշտպանյալի գործով գնահատականներ տալ:
Հիշեցնենք, որ Միսաք Առաքելյանի մեղադրանքն էլ է նախօրեին փոխվել. Քրեական օրենսգրքի 316 հոդվածի փոխարեն առաջադրվել է մեղադրանք 258 հոդվածի 1-ին մասով:
Մեղադրանքի փոփոխության վերաբերյալ, փաստաբանն ասաց, որ առաջիկա օրերին հայտարարությամբ հանդես կգա. «Այս պահին ինքը դեռեւս հարցաքննված չէ նոր մեղադրանքի կապակցությամբ, եւ դիրքորոշում չենք արտահայտում նոր մեղադրանքի վերաբերյալ»:
Պարոն Քոչարյանը չկարողացավ պատասխանել նաեւ այն հարցին, թե իր պաշտպանյալի նկատմամբ առաջադրված խուլիգանության մեղադրանքի հիմքում կա՞ն բավականաչափ ապացույցներ. «Ապացույցների ծավալը մեզ կներկայացվի նախաքննության ավարտից հետո: Այդ ժամանակ կարող ենք մեղադրական ապացույցներին գնահատական տալ` լրի՞վ են, թույլատրելի՞ են, նախաքննությունը կավարտվի մեկ շաբաթից»:
Կարդացեք նաև
Նա չցանկացավ խոսել նաեւ մեղադրանքի փոփոխության պատճառների մասին:
Արփինե ՍԻՄՈՆՅԱՆ
