Երևանի քաղաքապետ Տարոն Մարգարյանի հանձնարարությամբ քաղաքապետարանի և վարչական շրջանների ղեկավարների աշխատակազմերում սահմանված հստակ ժամանակացույցով շարունակվում են կազմակերպվել քաղաքացիների ընդունելություններ:
Ամփոփելով ընդունելությունների 2014 թվականի առաջին եռամսյակի տվյալները` արձանագրվել է, որ նշված ժամանակահատվածում Երևանի քաղաքապետարանում ընդունելություններին մասնակցել է 302 քաղաքացի: Ընդ որում, նրանցից միայն 150-ը` մարտի ընթացքում: Բնակիչների կողմից ներկայացված բոլոր հարցերին տրվել են դրական լուծումներ և սպառիչ պատասխաններ:
Վարչական շրջանների ղեկավարների աշխատակազմերում յուրաքանչյուր հինգշաբթի կազմակերպվող ընդունելություններին տարվա առաջին երեք ամիսներին մասնակցել է 1266 քաղաքացի: Մարտի ընթացքում ընդունելությունների մասնակցած 513 քաղաքացիների կողմից բարձրացված հարցերից 393-ին տրվել է համապատասխան ընթացք և արդեն իսկ կարգավորված է, իսկ 102-ը դեռևս ընթացքում է: Բարձրացված հարցերից 18-ը մերժվել է՝ վարչական շրջանի կամ քաղաքապետարանի լիազորությունների շրջանակում չլինելու պատճառով:
Հիշեցնենք, որ քաղաքացիներն ընդունելություններին մասնակցելու համար նախապես պետք է հերթագրվեն համապատասխան կառույցում՝ ներկայացնելով անձնագիր: Քաղաքացիների ընդունելությունները ևս մեկ հնարավորություն են լսելու մայրաքաղաքի բնակչությանը մտահոգող խնդիրներն ու առաջարկները և դրանց հնարավոր լուծումներ տալու:
Կարդացեք նաև
Երևանի քաղաքապետարանի տեղեկատվության
և հասարակայնության հետ կապերի վարչություն
