Երեւանի քաղաքապետարանն արժանի հակահարված է հասցրել Մարդու իրավունքների պաշտպանին՝ 2013թ. տարեկան զեկույցում քաղաքապետարանի գործունեությունը քննադատելու համար, եւ պարզաբանել, որ զեկույցում «անտեսվել է կատարված աշխատանքը», օրենքները յուրովի են մեկնաբանվել եւ այլն:
«ՉԻ» – Մեծ հաշվով՝ Երեւանի քաղաքապետ Տարոն Մարգարյանն իրավացի է։ Կարեն Անդրեասյանը Մարդու իրավունքների պաշտպանն է, Տարոնը մարդ է, հետեւաբար՝ Կարեն Անդրեասյանը պարտավոր էր պաշտպանել Տարոնի իրավունքները։ Բայց նա, չգիտես ինչու, ինչ-որ ապօրինի կառույցների մասին է խոսել, մի քանի անգամ ասֆալտապատված փողոցների փաստն է արձանագրել, եւ այդպես շարունակ։
Մի խոսքով՝ փորձել է ավելի հնչեղ դարձնել զեկույցը եւ դա արել է տնտեսագիտության թեկնածու Տարոն Մարգարյանի հաշվին։ Կարեն ջան, սիրո՛ւն չի։ Եթե այսպես շարունակվի՝ կարող ես դառնալ Սերժ Սարգսյանի ամենաանհաջող կադրը։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
