«Կուտակային կենսաթոշակային համակարգի վերաբերյալ օրենքը ուժի մեջ է մինչեւ սեպտեմբերի 30-ը». կառավարության նիստը սկսելուց առաջ ասաց ՀՀ վարչապետ Տիգրան Սարգսյանը՝ անդրադառնալով Սահմանադրական դատարանի երեկվա որոշմանը:
Վարչապետի խոսքերով՝ Սահմանադրական դատարանը որոշեց, որ կենսաթոշակային համակարգի օրենքի որոշ դրույթներ հակասում են սահմանադրությանը եւ մինչեւ սեպտեմբերի 30-ը ժամանակ է տվել ԱԺ-ին եւ կառավարությանը՝ շտկելու հոդվածները: «Այսօր ես աշխատանքային խումբ եմ ձեւավորելու: Սա նշանակում է՝ ձեզ հետ միասին աշխատելու ենք, հաշվի ենք առնելու բոլոր դրույթները եւ ներկայացնելու ենք ԱԺ: Սա բացառիկ հնարավորություն է քաղաքացիական հասարակությանը՝ միանալ օրենքի մշակմանը»:
Վարչապետը եւս մեկ անգամ դիմեց ակտիվիստներին ու քաղաքացիական հասարակությանը՝ գնալ վարչապետի հետ երկխոսության: Տիգրան Սարգսյանի խոսքերով՝ «Դիմում եմ ակտիվիստներին եւ քաղաքացիական հասարակությանը, որոնք իրենց ուշադրության կենտրոնում են պահել խնդիրը, հրավիրում եմ երկխոսության՝ աշխատել ավելի լավ օրենսդրության համար: Նենց որ, մենք ակնկալում ենք երկխոսության սկիզբ»:
Տիգրան Սարգսյանն ասաց, որ այսօր ձեւավորվող աշխատանքային խմբում ներգրավված կլինեն արդարադատության նախարարությունը, Կենտրոնական բանկը եւ աշխատանքի եւ սոցիալական հարցերի նախարարությունը: Վարչապետը դիմեց արդարադատության նախարար Հրայր Թովմասյանին՝ պարզաբանելու ՍԴ որոշումը: Հրայր Թովմասյանն էլ հաստատեց, որ օրենքը ուժի մեջ մինչեւ սեպտեմբերի 30-ը:
Կարդացեք նաև
Նելլի ԲԱԲԱՅԱՆ
Այս ոհմակը կամ հասկանալու հետ խնդիրներ ունի, կամ էլ մի ամբողջ ազգի ծաղրի է ենթարկում: Իսկ այս վարչապետն էլ նամուսը դրել է մի կողմ ու դեռ բերանն է բացել: Զզվելի է կարդալ նույնիսկ սրանց մասին հոդվածները, բայց ինչ արած, դեռ այս երկրում ենք բնակվում ու սրանց անհեթեթ օրենքներին ենթարկվում