Դեռ երկար ժամանակ կա, մինչ կորոշակիացվի տրանսպորտի ուղեվարձի սակագինը: Ապրիլի 4-ին պարզապես քննարկվելու է ամենաբարդ բաղադրիչը՝ ուղեւորահոսքի հաշվարկը, որը պատվիրվել էր միջազգային մասնագետներին: Իսկ մինչ այդ քաղաքապետարանի հանձնաժողովը քննարկել եւ ավարտել էր մեկ շարժակազմի ծախսերի հատվածը՝ ամսվա կտրվածքով: Ուղեւորահոսքի ուսումնասիրությունները ներկայացնելուց հետո արդեն կլինեն ինքնարժեքը, արդյունավետ գինը եւ այլն, որից հետո պարզ կլինեն հետագա քայլերը: Այս մասին ասաց Երեւանի քաղաքապետի առաջին տեղակալ Վահե Նիկոյանը, ով ընդգծեց. «Եթե ինչ-որ բան հրապարակվի, դա չի նշանակում, որ արդեն վերջնական որոշումն է, նախ կհրապարակվեն ուսումնասիրության արդյունքները, որից հետո քայլեր ունենք անելու»:
Նշենք, որ հանձնաժողովի կազմած վերջնական իրավական ակտը դեռ պետք է հանրային քննարկման դրվի, ինչը նշանակում է, որ ուղեվարձի վերջնական գինը հայտարարելուն դեռ երկար ժամանակ կա:
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
