«Ես ուզում եմ շնորհավորել ՀՀԿ իմ բոլոր ընկերներին, առաջին հերթին իմ ավագ ընկերներին, այն մարդկանց, ովքեր եղել են ոչ միայն ՀՀԿ-ի, այլ նաեւ Ազգային միացյալ կուսակցության ակունքներում»,- այսպես այսօր Aravot.am-ի հետ զրույցում ՀՀԿ մամուլի խոսնակ Էդուարդ Շարմազանովը շնորհավորեց բոլոր հանրապետականներին՝ ՀՀԿ-ի հիմնադրման առիթով:
«1990-ի ապրիլի 2-ին Աշոտ Նավասարդյանը անկախության բանակի խորհրդի հրամանատարների հետ հռչակել է ՀՀԿ-ի ծնունդը: ՀՀԿ-ն անկախ Հայաստանի առաջին հռչակված կուսակցությունն է: Անկախ այսօրվա զգացմունքային գնահատականներից, ՀՀԿ-ն եղել եւ մնում է անկախ Հայաստանի ամենաամուր հիմնասյուներից մեկը: ՀՀԿ-ն Արցախյան հերոսամարտի ժամանակ եղել է իր ջոկատներով առաջին գծում, խաղաղ շինարարության ժամանակ Վազգեն Սարգսյանի, Անդրանիկ Մարգարյանի, այսօր Սերժ Սարգսյանի գլխավորությամբ քարը քարի վրա է դրել եւ ամրացրել է հայոց պետականությունը»,- ասաց պարոն Շարմազանովը:
Նրա խոսքերով՝ Հանրապետականը պատասխանատու է իր յուրաքանչյուր քայլի համար՝ իր թերությունններով, սխալներով եւ ձեռքբերումներով հանդերձ. «Չի սխալվում նա, ով գործ չի անում: Այո, մենք էլ ենք ունեցել սխալներ, մենք էլ ունենք թերություններ, բայց ձեռքբերումները եւ ծառայությունները հայրենիքի նկատմամբ շատ ավելի ծանրակշիռ են: Խոսքն ավագ իմ գործընկերների մասին է՝ Անդրանիկ Մարգարյանի, Աշոտ Նավասարդյանի, Վազգեն Կարախանյանի, Ռազմիկ Զոհրաբյանի, Գալուստ Սահակյանի, Գագիկ Մինասյանի, բոլոր իմ ավագ գործընկերների մասին է, ովքեր քարը քարի վրա են դրել: ՀՀԿ-ն եղել է, կա եւ կմնա մի մեծ քաղաքական դպրոց՝ կյանքի դպրոց, որտեղ երիտասարդները գալիս են դրոշը բռնելուց, հասնում են մինչեւ պատասխանատու պաշտոններ եւ պատրաստ են նույն ձեւ ծառայել իրենց հայրենիքին»:
Կարդացեք նաև
Հռիփսիմե ՋԵԲԵՋՅԱՆ
Նախ` հայերենում ,,նույն ձև,, արտահայտություն չկա, պետք է ասել` ,,նույն կերպ,,….
Երկրորդ ` հհկ ողբը երգելու փոխարեն գովքն եք երգում…
Վերջապես` բոլորիս է հայտնի, որ հհկ-ում առաջ են գնում դրոշակ և փոչիկ բռնելով, այլ ոչ` ինտելեկտով…
Timeo Tanaos etiamsi dona ferentes ( Վիրգիլիոսռ
որ թարգմանի – ԸՆԾԱՅԱԲԵՐ ՅՈՅՆԷՆ ԻՍԿ ՎԱԽԵՆՈՒՄ ԵՄ