Բրյուսել՝ ՆԱՏՕ-ի հանդիպմանը մեկնելու ճանապարհին Թուրքիայի արտգործնախարար Ահմեթ Դավութօղլուն Daily Sabah-ի հետ զրույցում անդրադարձել է նաև Քեսաբի դեպքերին:
Նա ասել է, թե Թուրքիան բացել էր դռները խաչաձև կրակի տակ հայտնված Քեսաբի հայերի համար: «Ես անձամբ խոսել եմ հայկական հիմնադրամների և հայ համայնքի անդամների հետ, որ հայ փախստականներին Թուրքիայում ուրախությամբ կընդունեն՝ ապահովելու նրանց անվտանգությունը», – հավաստիացրել է Դավութօղլուն:
Նա ասել է, թե Ասադի ռեժիմի ու Ազատ սիրիական բանակի բախումներից փախչող հայերը սկսել են Թուրքիա մտնել, ավելացնելով, թե Թուրքիան պատրաստ է ամեն ինչ անել հայերի անվտանգությունը և հանգստությունը ապահովելու համար:
Թուրքական լրատվամիջոցները երեկ հաղորդել էին, որ 80-ամյա Սրբուհի և 82-ամյա Սաթենիկ Թիթիզյան քույրերը փախչելով Քեսաբից՝ անցել են Թուրքիա:
Կարդացեք նաև
Հրաչ Մելքումյան
Նյութի մանրամասները կարդացեք «Ազատություն» ռադիոկայանի կայքում
Для Давудоглу—–лгать,как выпить стакан воды!