Հատված ՀՀԿ խմբակցության քարտուղար, ՀՀԿ խորհրդի անդամ Հովհաննես Սահակյանի հարցազրույցից:
– Ձեր կարծիքով, ինչպե՞ս կզարգանան գործընթացները ապրիլի 28-ից հետո. դուք ասում եք՝ վարչապետ չեք փոխելու, իրենք ասում են՝ դուրս կգանք փողոց։
– Եթե օրենքի տառին կամ գործիքակազմին ենք նայում, թե ինչպես կարելի է փոխել, ապա պարզ է չէ՞, որ մեծամասնությունն է ձեւավորել կառավարություն։ Սա հստակ է։ Եթե դուրս են գալու փողոց, միտինգների միջոցով են փորձելու ինչ-որ տեղ հասնել կամ ինչ-որ հարցի լուծում ակնկալում են այդ ճանապարհով ստանալ կամ լուծել, իրենք ազատ են եւ ցանկացած գործողություն կարող են կատարել բացառապես օրենքի շրջանակներում։ Իսկ թե օրինազանցներին ինչ է սպասվում, արդեն մեկ այլ օրենք է գործում, եւ կարծում եմ, այսքանը բոլորս՝ եւ մենք, ե՛ւ իրենք, նկատի ունեն։ Իսկ թե ինչպիսի քաղաքական ամպագոռգոռ հայտարարություններ կանեն կամ միգուցե ի վիճակի են այդքան մարդ փողոց հանել, միգուցե պատրաստվում են, դա բացառապես իրենց խնդիրն է, մենք ունենք մեր ծրագրերը, որոնք իրականացնում ենք։
– Բայց կարող է ՀՀԿ–ից առնետավազք լինել չէ՞, այդ մասին շատ է խոսվում։
Կարդացեք նաև
– Մեզ մոտ առնետներ չկան, թող առնետներին իրենց շարքերում փնտրեն։
– Եթե, այդուամենայնիվ, իրենք 100 հազարավոր մարդկանց փողոց հանեն, ինչպե՞ս կզարգանան քաղաքական պրոցեսները։
– Եթե-ով չէ, նորից եմ նշում, մենք նախկինում իրենց հանրահավաքները տեսել ենք։ Երբ կանեն, այդ ժամանակ էլ կխոսենք։
Լուսինե ԲԱՐՍԵՂՅԱՆ
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
