«Իր ստեղծման օրից սկսած՝ չի նկատվել որեւէ երեւույթ, որը տեղիք կտար կասկածի տակ դնելու Մինսկի խմբի դրական գործունեությունը ղարաբաղյան հարցի կարգավորմանն ուղղված միջազգային ջանքերում եւ հատկապես տարածաշրջանային խաղաղության պահպանման հարցում: Այո, այդ վտանգն առկա է, եւ ես չեմ բացառում, որ մոտ ապագայում կարող են նաեւ զգայուն տարաձայնություններ առաջանալ այդ խմբի անդամների միջեւ, բայց ոչ անպայման հենց ուկրաինական ճգնաժամի աղերսներով, այլ ընդհանրապես այն վտանգավոր քաղաքական ուղեգծի պատճառով, որով այսօր ընթանում է Ռուսաստանի ռեւանշիստական իշխանությունը»,- «Առավոտի» հետ զրույցում կարծիք հայտնեց նախկին բարձրաստիճան պաշտոնյա Երջանիկ Աբգարյանը` պատասխանելով հարցին, թե Մինսկի խումբն այսուհետ` խմբի անդամ երկրների տարաձայնությունների առկայության պարագայում, ԼՂ հարցի կարգավորման հարթությունում անելիքներ ունի՞, ի՞նչ անդրադարձ կունենան այդ տարաձայնությունները ԼՂ հարցի կարգավորման վրա:
«Առավոտ» օրաթերթ
