Aravot.am-ը ԿԳ նախարար Արմեն Աշոտյանին խնդրեց մեկնաբանել երեկ հրապարակված Մարդու իրավունքների պաշտպանի տարեկան զեկույցը, որտեղ նշվում էր, թե ինչ իրավունքներ է խախտել ԿԳ նախարարությունը 2013 թվականին:
Ոլորտում առկա մի քանի թերությունների ու խնդիրների թվում զեկույցում նշվում է, որ Հայաստանի 1400 դպրոցներից ընդամենը 117-ում է իրականացվել ներառական կրթություն, այն էլ՝ ակնհայտ բացթողումներով:
Զեկույցի համաձայն՝ որպես կանոն չի երկարացվել բարձր առաջադիմությամբ սոցիալապես անապահով ուսանողների ուսման վարձի վճարման ժամկետը, ինչը լուրջ խնդիրներ է առաջացել այդ ուսանողների համար՝ անհարկի ֆինանսական բեռ, ընդհուպ մինչև համալսարանից հեռացում:
Կամ, դարձյալ ըստ նույն աղբյուրի, ԿԳ նախարարությունը միջոցներ չի ձեռնարկել՝ լուծելու որոշ ԲՈՒՀ-երի ուսանողական խորհուրդների քաղաքականացված լինելու խնդիրը:
Կարդացեք նաև
Արմեն Աշոտյանը պատասխանելով Aravot.am-ին ասաց, որ Մարդու իրավունքների պաշտպանի զեկույցի առնչությամբ ԿԳ նախարարությունը մեկնաբանություններով հանդես կգա, երբ պաշտոնապես կստանա զեկույցը:
Գոհար ՀԱԿՈԲՅԱՆ
