«Եվրատեսիլ 2014» երգի մրցույթում Արամ MP3-ը պրոմո տուրի շրջանակներում իր «Not Alone» («Դու մենակ չես») երգը ներկայացնելու է նաև Նիդերլանդների երաժշտասեր հասարակայնությանը: Մինչ այդ հայ երգիչը հանդիպել է ռուս և Եվրոպացի հանդիսականին: Պրոմո տուրը կավարտվի ապրիլի 21-ին: Արամ MP3-ը կվերադառնա Երևան, այնուհետև կմեկնի Դանիա: Արդեն մայիսի 6-ին , հենց առաջին երգով Արամ MP3-ը կներկայացնի մեր երկիրը եվրոպական երգի այս փառատոնում:
Նիդերլանդներում Արամ MP3-ին ու «Վիտամին» ակումբի անդամներ Արման Խաչատրյանին (Արմուշ), Գարիկ Պապոյանին, Վաչե Թովմասյանին, Կարեն Սահակյանին (Չարենց) և Տիգրան Գևորգյանին (Տիկո) սպասում են ապրիլի 18-ին ։ Միջոցառման կազմակերպման պատասխանատվությունն իր վրա է վերցրել «Match made in Heaven» միջոցառումների կազմակերպման հոլանդահայ գործակալությունը, որն արդեն լավ աշխատանքի փորձ ունի: Արդեն պատրաստ են գովազդագրերը, և մեր ընթերցողը հնարավորություն ունի ծանոթանալ միջոցառման վայրի ու ժամի մանրամասներին: Գործակալության տնօրեն Կարինե Քլյանն անձամբ է շահագրգռված միջոցառումը բարձր մակարդակով կազմակերպելու: Նպատակներից մեկը մեր մասնակցին լրացուցիչ լիցք հաղորդելն է’ լավ տրամադրություն, դրական էներգիա փոխանցելը: Կարինե Քլյանը բոլորի համար ապրիլի 18-ին խոստանում է անմոռանալի համերգային երեկո: Այդ իսկ պատճառով խնդրում է տոմսերը պատվիրել նախօրոք’ հարմարավետ նստելատեղեր ունենալու համար: Բացի դրանից շուտ տոմս ունեցողները կվճարեն 35 եվրո, ավելի քիչ, քան տեղում գնողներից: Ամստերդամի Rhoneweg 12 հասցեում գտնվող համերգասրահի դռները բաց կլինեն ժամը 19-ից, համերգի սկիզբը ժ.20.30-ից: Ավելի քան 2,5 ժամ հանդիսատեսները հնարավորություն կունենան դիտել Վիտամին ակումբի անդամների կատակներն ու լսել Արամ MP3-ի երգերը, որոնց թվում’«Դու մենակ չես» Եվրատեսիլյան երգը: Բոլոր մասնակիցները հնարավորություն կունենան լուսանկարվելու իրենց սիրելի արտիստների հետ: Ինչպես խոստանում են միջոցառման կազմակերպիչները, սա միակ անակնկալը չի լինելու: Կեսգիշերից հետո DJ-ի ուրախ երգերի ու պարերի ծրագիրն է, որից հետո խաղարկվելու են այնպիսի շահումներ, որոնց ցանկն անակնկալ է:
Միջոցառման համար ընտրված է նշանաբան , հենց երգի մոտիվացիայով”Aram You not Alone !” (Արամ դու մենակ չես): ՈՒրեմն մի խնդրանք, շտապեք նախօրոք ձեր տեղն ապահովել Եվրատեսիլյան մեր մասնակցի կողքին : Մենք հայաստանյան մասնակցի’ Արամ MP3-ի կողքին ենք, սպասում ենք ձեր արձագանքին:
«Նիդերլանդական Օրագիր»
