Արդեն երկու օր է մամուլում տեղեկություններ են հրապարակվում այն մասին, որ «Բարգավաճ Հայաստան» խմբակցության պատգամավորներ Ռուբեն Գեւորգյանը (Ծաղիկ Ռուբո) եւ Ռուստամ Գասպարյանն արդեն երկու ամիս է, ինչ «դռնեդուռ ընկած» ազատամարտիկներ են որոնում։ Նրանք նպատակ ունեն «Երկրապահ» կամավորականների միության նման մի նոր կառույց սարքել՝ Գագիկ Ծառուկյանի ֆինանսավորմամբ։ ԱԺ ազատամարտիկ պատգամավորները Գագիկ Ծառուկյանին խոստացել են միավորել բոլոր ազատամարտիկներին (նաեւ նրանց, ովքեր տարբեր պատճառներով ԵԿՄ-ում չեն) եւ իրենց շուրջ ստեղծել ուժային մի թիմ, որը պատրաստ կլինի ցանկացած զարգացման։ Ծառուկյանն էլ համաձայնել է եւ հրահանգել գործի անցնել։
Այս առիթով Aravot.am-ի հետ զրույցում «Բարգավաճ Հայաստան» կուսակցության մամուլի խոսնակ Տիգրան Ուրիխանյանն իր մեկնաբանություններում բավական կարճ գտնվեց: Մեր բոլոր հարցերին մեկ պատասխան հնչեց. «Դա կուսակցական նախաձեռնություն չէ»:
Նելլի ԳՐԻԳՈՐՅԱՆ
Դե հա…«Դա կուսակցական նախաձեռնություն չէ»… Բայց չի նշանակում, թե կուսակցությանը չի ծառայեցվի………………