Ազատամարտի վետերանների միությունը հրավիրել է արտահերթ խորհրդակցություն, կապված` Սիրիայի Քեսաբ համայնքում տեղի ունեցած վերջին իրադարձությունների հետ:
Ազատամարտի վետերանների միությունը իր խորը զայրույթն ու ցասումն է արտահայտել կատարվածի առնչությամբ և խստորեն դատապարտել Քեսաբի խաղաղ բնակչության նկատմամբ ծայրահեղականների իրականացրած ահաբեկչական գործողությունները:
Թուրքական զինուժի գործողությունների պատճառով տեղաբնակ հայությունը տարհանվել է, ավերվել և հրկիզվել է նրանց բնակատեղիները:
Ցեղասպանությունից մոտ մեկ դար անց մազապուրծ եղած հայերը, որոնց մի մասը 1915թ հետո ձևավորվել էր Սիրիայում` կրկին բռնել է գաղթի ճանապարհը:
Ազատամարտի վետերանների միությունը իր զորակցությունն է հայտնում Սիրիայում գտնվող հայ բնակչությանը և թուրքական իշխանություններից պահանջում անհապաղ դադարեցնել հայազգի բնակչության նկատմամբ անմարդկային ոտնձգությունները.
«Կոչ ենք անում հայկական սփյուռքին համախմբվել և բողոքի ակցիաներ կազմակերպել ի նշան թուրքական զինուժի գործողությունների.
Կոչ ենք անում միջազգային կազմակերպություններին դատապարտել տեղի ունեցածը և ձեռնարկել համապատասխան միջոցներ խաղաղ բնակչության տարհանման, նրանց բնակատեղիների ոչնչացման ուղղությամբ»:
Կարդացեք նաև
Ազատամարտի վետերանների
միության նախագահ` Համլետ Հովսեփյան
