ՏԻԳՐԱՆ ՈՒՐԻԽԱՆՅԱՆ (ԱԺ ԲՀԿ խմբակցության անդամ)
Այս շաբաթ ԱԺ քառօրյայում փոխադարձ մեղադրանքների, վիրավորանքների պակաս չկար։ Առանձին «դաշտ» էր բացվել ԲՀԿ-ի և ֆինանսների նախարար Դավիթ Սարգսյանի միջև։ Ավելի «շռայլ» էր ԲՀԿ-ն, որն օգտագործեց իր ողջ «զինանոցը»:
– Պարոն Ուրիխանյան, ֆինանսների նախարարը՝ հակադարձելով ձեր կուսակցության անդամներին, հայտարարեց. «Ճիշտը և ճշմարտությունը շատ դառն է, ընտելացեք»։ ԲՀԿ-ն արդեն ընտելանո՞ւմ է։
– Վարչապետի սանիկը, որը հանգրվանել է ՀՀ քաղաքացիների ծանր առօրյայի մաս կազմող նախարարական առանձնասենյակում, ծառայողական ավտոմեքենայի պատուհանից դիտողի կարգավիճակում է, ուստի ընդամենը մեկ հորդոր ունեմ՝ մոտ կանգնիր իրականությանը։ Այդ ժամանակ շատ ավելի դժվար է լինում կոնկրետ խնդիրներից մարդկանց ուշադրությունը ցինիզմով, հեգնանքով շեղելը։ Եթե, իհարկե, մարդու մեջ կա մարդկայնություն։
Կարդացեք նաև
– Դավիթ Սարգսյանն ընդամենը խոսեց Գագիկ Ծառուկյանի խաղատների մասին, որը փաստ է, և մամուլն էլ մշտապես գրում է այդ մասին։ Սա ինչո՞ւ ԲՀԿ-ում վրդովմունք առաջացրեց։
– Վրդովմունք առաջացրեց չորս ուժերին ուղղված վիրավորանքը և ԲՀԿ-ին մասնավորապես։ Ինչ վերաբերում է կազինոյին, իրենց իսկ ընդունած օրենքների շրջանակներում մարդը կատարել է ահռելի ներդրում սեփական երկրում, և իրեն պատկանող ձեռնարկությունն իրականացնում է օրինական գործունեություն։ Ի՞նչ կապ ունի սա նրա հետ, որ «կանգառն» ու «կայանելը» արգելված են։ Ճանապարհային երթևեկության բազմաթիվ նշաններ վերացվեցին, հայտնվեցին կարմիր գծեր։ Կոնկրետ հարց է առաջանում՝ ո՞ւմ էր սա պետք, ինչո՞ւ այդպես վարվեցին և ինչո՞ւ վիճակը չի շտկվում։ Երկրորդ, հարց է առաջանում՝ ի սկզբանե իմանալով, որ մեքենաները չեն շահագործվում, չեն օգտագործվում, այդ մեքենաների վրա տուգանք են նշանակում։ Այսինքն, կառավարությունը ժողովրդի նկատմամբ վարվում է հետևյալ կերպ, այո, մենք գիտենք քո թույլ տեղը, այո, մենք խփելու ենք քո թույլ տեղին:
Ճեպազրույցը՝ Ռուզան ԽԱՉԱՏՐՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
