Ռուսաստանի նախագահ Վլադիմիր Պուտինը հայտնել է, որ ՌԴ-ում կստեղծվի ազգային վճարային համակարգ: Փոխանցում է «ՌԻԱ Նովոստի»-ն:
Նման համակարգ ստեղծելու գաղափարն առաջացել է այն բանից հետո, երբ Արևմուտքի պատժամիջոցների պատճառով ռուսական մի քանի բանկերի համար արգելափակվել էին Visa և Master Card-ի գործարքների կատարումը:
Իր գաղափարը հիմնավորելու համար ՌԴ ղեկավարը, օրինակ է բերել այլ երկրների փորձը. «Այդ համակարգն աշխատում է այնպիսի երկրներում, ինչպիսիք են Ճապոնիան և Չինաստանը, և աշխատում է մեծ հաջողությամբ», – ասել է Պուտինը Դաշնության խորհրդի անդամների հետ հանդիպման ժամանակ՝ նշելով, որ ի սկզբանե այդ համակարգերը տեղական, ազգային բնույթ էին կրում, սակայն գնալով տարածվեցին, իսկ Ճապոնիայի վճարային համակարգն արդեն գործում է մոտ 200 երկրներում, – «Ինչո՞ւ մենք դա չանենք: Անպայման պետք է անել, ու մենք դա կանենք», – վստահեցրել է Պուտինը՝ ավելացնելով, որ ՌԴ կառավարությունն ու «Ցենտրոբանկ»-ն արդեն աշխատում են ծրագրի վրա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
