ԿԳ նախարար Արմեն Աշոտյանն այսօր ԱԺ-ում պատասխանեց ՀԱԿ խմբակցության պատգամավորներ Նիկոլ Փաշինյանի , Լեւոն Զուրաբյանի եւ ԲՀԿ խմբակցության քարտուղար Նաիրա Զոհրաբյանի քննադատությանը :
ՀՀԿ պատգամավոր Հովհաննես Սահակյանն ասել էր , որ այդ 3 պատգամավորները, որոնք քննադատեցին Աշոտյանին, դերասաններ են եւ ոգեշնչվել են թատրոնի միջազգային օրը: Աշոտյանը չհամաձայնեց: Ըստ նրա, դերասան են Նիկոլ Փաշինյանն ու Նաիրա Զոհրաբյանը, իսկ Լեւոն Զուրաբյանը՝ չէ. «Էն մեկն էլի կապ ունի թատրոնի հետ, բայց դերասան չի, բանվոր է: Դեկորացիաներ տանող-բերող, ինչ-որ տեքստեր փախցնող է: Վերջինին չեմ էլ անդրադառնալու, իմ մակարդակը չի»:
Նաիրա Զոհրաբյանն ասել էր, որ «Նապոլեոնիզմով տառապելը լուրջ շեղում է։ Նապոլեոնիզմի դեմ պատվաստանյութը դեռեւս գտնված չէ»:
Արմեն Աշոտյանը պատասխանեց դրան՝ ասելով. «Փոխադարձ շռայլություն անեմ. կա նաեւ քաղաքական կլեոպատրիզմ: Գիտեք դա ինչ է՝ խելացի, գեղեցիկ կին, որը փորձում է տղամարդկանց մանիպուլյացիայի միջոցով ղեկավարել աշխարհը: Ինչպես ավարտեց Կլեոպատրան…այնքան էր կոփել իրեն, որ ոչ մի թույն չէր ազդում, ստիպված իրենից ավելի թունավոր բան գտավ, որպեսզի խայթի եւ մահացնի իրեն: Այդպես ավարտեց Կլեոպատրան»:
Կարդացեք նաև
Հռիփսիմե ՋԵԲԵՋՅԱՆ
