Մինչեւ 2017 թվականը 60 հազար աշխատատեղ կստեղծվի: Այսօր այս մասին կառավարության մամուլի սրահում ասաց Էկոնոմիկայի նախարար Վահրամ Ավանեսյանը:
Ըստ նրա, հիմնականում բարձր վարձատրվող զբաղվածություն է ակնկալվում: Ըստ նախարարի, մինչեւ 2025 թվականն էլ 13 տոկոսով կիջնի աղքատությունը: Վ. Ավանեսյանի ներկայացմամբ, այդ ամենն ամրագրված է կառավարության մշակած ՀՀ հեռանկարային զարգացման ծրագրում:
Դիտարկմանը, թե Համաշխարհային բանկն իջեցրել է Ռուսաստանի տնտեսական աճի գնահատականները, Վ. Ավանեսյանն ասաց, որ դա էական կրճատում է բանկի կանխատեսումների, ինչ վերաբերում է նրան, թե դա Հայաստանի տնտեսության վրա ի՞նչ ազդեցություն կունենա, նախարարն ասաց, որ եթե իրադարձությունները զարգացման, վատ սցենարով գնան, ապա Հայաստանում տնտեսական աճի վերանայման խնդիր կառաջանա:
Ինչ վերաբերում է արդյունաբերությունում արձանագրված անկմանը, ապա, Վ. Ավանեսյանն ասաց, որ այն տեղի է ունեցել սննդի եւ հանքարդյունաբերության ոլորտներում գրանցված անկման պատճառով:
Կարդացեք նաև
Լուսինե ԲՈՒԴԱՂՅԱՆ
