«Երեկ այստեղ խոսվեց խիստ կոնկրետ քաղաքական ուժին կցված ուսանողների պահվածքի մասին եւ ակնհայտ խուլիգանությունը որակվեց տաքարյունություն: Ես իհարկե հասկանում եմ, որ տվյալ քաղաքական ուժի համար լկտիությունը տաքարյունության հոմանիշն է, ցինիզմը եւ դատարկաբանությւոնը՝ ինտելեկտի հոմանիշը, տափակախոսությւոնը՝ կրեատիվ լինելու հոմանիշը»,- այսօր ԱԺ-ում այսպիսի հայտարարություն արեց ԲՀԿ խմբակցության քարտուղար Նաիրա Զոհրաբյանը՝ «Կրթության մասին», «Նախնական մասնագիտական (արհեստագործական) և միջին մասնագիտական կրթության մասին», «Բարձրագույն եւ հետբուհական մասնագիտական կրթության մասին» օրենսդրական փաթեթի քննարկման ժամանակ:
Նաիրա Զոհրաբյանը նաեւ կոչ արեց Արմեն Աշոտյանին, որ «ինտելեկտին պարբերաբար հղումներ անելուց առաջ գոնե աշխատեք, որ ձեր կարկառուն ներկայացուցիչ օգտատերերի «ֆեյսբուքյան ճախրանքներում» խայտառակ ուղղագրական սխալներ չլինեն: Ես իհարկե չեմ պնդում, որ դա պարզ տառաճանաչության, ինտելեկտի եւ գրագիտության պակաս է, բայց եւ հակառակ վարկածը հերքել չեմ կարող: Ես խոսում եմ բացառապես մայրենիով արված գրառումների մասին, չեմ խոսում որոշ կարկառուն օգտատերերի երբեմն-երբեմն օտարալեզու պասաժների մասին: Սովորելը երբեք ուշ չէ: Ինքնուսույցներ վարձեք: Փողը այդպիսի ֆունկցիոնալ նշանակություն եւս ունի, բացի ընտրություններ կեղծելուց»:
ԱԺ նախագահ Հովիկ Աբրահամյանը Նաիրա Զոհրաբյանի ելույթից հետո արձագանքեց, թե «Հանրությանը շեղում եք: Մենք այլ հարց ենք քննարկում, դուք այլ թեմաներ եք քննարկում: Հանրությունն է, որ ձեր խոսքերին դիմանում է, այո, ձեր կարկառուն մտքերին»,- ԲՀԿ-ական պատգամավորին հեգնեց Հովիկ Աբրահամյանը:
Հռիփսիմե ՋԵԲԵՋՅԱՆ
Կարդացեք նաև
Հանրությունը ոչ թե ,,դիմանում ,, է այլ` պահանջում, որ նման ելույթներ շատ լինեն հոգեգալստական աղանդի դեմ….
ԲՌԱՎՈ , ՆԱԻՐԱ ♡♡♡