Այսօր ԱԺ-ում կառավարության հետ հարցուպատասխանի ժամանակ ՕԵԿ խմբակցության պատգամավոր Իշխան Խաչատրյանը հարց բարձրացրեց՝ հավաստի՞ են այն լուրերը, որ զորակոչն այս տարի վիճակահանությամբ տեղի չի ունենալու և արդյոք զորակոչի ժամկետները նո՞ւյնն են մնացել:
ՀՀ Պաշտպանության նախարար Սեյրան Օհանյանը պատասխանեց. «Զինված ուժերի բարձրագույն ուսումնական հաստատություններում էլ բաշխումը կատարվում է վիճակահանությամբ: Ուստի վերջին վեց տարիներին որևէ մեկը չի դիմել ինձ, որ որևէ մեկի երեխային կամ սպային ուղարկեմ այս կամ այն վայրը ծառայության»: Այնուհետև նախարարը շեշտեց, որ «ոչ թե զորակոչն է վիճակահանությամբ իրականացվում, այլ բաշխումը՝ ըստ զորամասերի»:
Սեյրան Օհանյանը նաև հայտարարեց, որ փոփոխություններ չեն լինելու զորակոչի ժամկետներում. «Գարնանային զորակոչն իրականացվելու է հունիս- հուլիս ամիսներին, աշնանային զորակոչը՝ դեկտեմբեր-հունվար ամիսներին»:
Կարդացեք նաև
Տաթև ՀԱՐՈՒԹՅՈՒՆՅԱՆ
