Այսօր Խանտի-Մանսիյսկում ընթացող շախմատի աշխարհի թագի համար հավակնորդների մրցաշարի 11-րդ տուրում Լեւոն Արոնյանը սեւ խաղաքարերով հանդիպելու է Ռուսաստանի բազմակի չեմպիոն Պյոտր Սվիդլերի հետ:
Հայաստանի լավագույն շախմատիստն առաջին շրջանի 4-րդ տուրում հակառակ գույնի խաղաքարերով հաղթել է նրան: Սվիդլերն, անկասկած, այսօր անելու է ամեն բան պարտքը վերադարձնելու համար: Սակայն այսպես մտածելու մեկ այլ հիմնավորում էլ կա. ռուսաստանցին մրցաշարային աղյուսակում Շախրիյար Մամեդյարովի ու Սերգեյ Կարյակինի հետ միասին ընդամենը կես քայլ է հետ մնում Լեւոնից: Այնպես որ, խաղատախտակի վրա այսօր թեժ ճակատամարտեր են սպասվում նաեւ Դմիտրի Անդրեյկին-Շախրիյար Մամեդյարով եւ Վեսելին Տոպալով-Սերգեյ Կարյակին պարտիաներում: Իսկ տուրի կենտրոնականը, անկասկած, Վլադիմիր Կրամնիկ-Վիշվանաթան Անանդ պարտիան է լինելու, քանի որ առաջատար հնդիկ գրոսմայստերը ձգտելու է առնվազն ոչ-ոքի անել, իսկ երեկվա պարտությունից հետո 6-րդ հորիզոնական պահանջած «վիրավոր» Կրամնիկը ոչ մի բանի առջեւ կանգ չի առնելու առաջատարների խումբ վերադառնալու համար:
Աշոտ ՀԱԿՈԲՅԱՆ
Լուսանկարը՝ armchess.am-ի
