Հայաստանի արտաքին պարտքը «Նաիրիտ»-ի կուտակած պարտքերի պատճառով կարող է ավելանալ ևս 300 մլն. դոլարով: Նման տեսակետ այսօր հնչեց ՀՅԴ նախաձեռնությամբ կազմակերպված «Նաիրիտ Գործարան» ՓԲԸ-ում ստեղծված իրավիճակը, այն վերագործարկելու հնարավորությունները և հետագա զարգացման ուղիները» թեմայով հանրային մասնագիտական քննարկման ընթացքում:
Բանն այն է, որ ճիշտ այդքան է այսօր կազմում գործարանի արտաքին պարտքը` վարկային պարտավորությունները: Եվ քանի որ կառավարությունը գործարանի 10 տոկոսի բաժնետերն է և հանդիսանում է վարկային երաշխավորը, ապա «Նաիրիտ»-ի դեմ արդեն իսկ հարուցված միջազգային դատական հայցերի բավարարման պարագայում այդ պարտավորությունների կատարումը կարող է պարտադրվել հենց ՀՀ կառավարությանը:
Գործարանի պարտքն այսքանով, սակայն, չի սահմանափակվում: Բացի արտաքին պարտքից, «Նաիրիտ»-ը նաև ներքին պարտքեր ունի` աշխատավարձի, գազի, էլեկտրաէներգիայի և այլն:
Քննարկմանը ներկա գործարանի նախկին տնօրեն Կարեն Իսրայելյանը, պատասխանելով «Նաիրիտ»-ի պարտքերի մասին «Փաստինֆո»-ի հարցին, ասաց. «Ամենահիմնական պարտքը «ՀայՌուսգազարդ»-ի մոտ 2,5 մլն դոլարի պարտքն է, որի շուրջ դատական հայց կա,և գործը գտնվում է ԴԱՀԿ-ում, մեծ պարտավորություն կա հոսանքի հետ կապված` մոտավորապես 4 մլն դոլարի, Երևանի ՋԷԿ-ի հետ կապված պարտավորություն կա, բայց սա պետական հիմնարկ է և Էներգետիկայի նախարարությունը կարող է այս հարցը կարգավորել, և աշխատավարձի պարտքը մոտ 15 մլն դոլար է կազմում»:
Կարդացեք նաև
Մանրամասները կարող եք կարդալ` pastinfo.am-ի կայքում
