Լոռու մարզի առաջին ատյանի դատարանում, դատավոր Նարինե Հովակիմյանի նախագահությամբ, շարունակվում է մեկ տարի առաջ «Մուշ» ռեստորանում փաստաբան Սամվել Շարբաթյանի սպանության մեջ մեղադրվող Սամվել Դիլոյանի, Արտակ եւ Արեն Վերանյանների դատաքննությունը:
Դատաքննությունը վկաների հարցաքննության փուլում է:
Այսօր հարցաքննվեց Վանաձորի շտապօգնության գծային կայանի բուժքույր Էլլա Կոստանյանը:
Դատարանում նա հայտնեց, որ երբ հասել են դեպքի վայր, տեսել են, որ Սամվել Շարբաթյանը անշարժ պառկած է սենյակում:
Կարդացեք նաև
«Բժիշկը ստուգեց սրտի աշխատանքը, մահացած էր: Մարմնի վրա այտուցված տեղեր կային` ավելի շատ ձախ աչքի շրջանում»,-դատարանում հայտնեց բուժքույրը:
Նրա նախաքննության ընթացքում Էլլա Կոստանյանը տվել էր նույնաբովանդակ ցուցմունք:
Դատավոր Նարինե Հովակիմյանը այս անգամ որոշում կայացրեց դատական նիստերին չներկայացած վկաներին բերման ենթարկելը հանձնարարել ոստիկանության Լոռու մարզային վարչության պետին:
Անուշ ԲՈՒԼՂԱԴԱՐՅԱՆ
