Բելոռուսիայի նախագահ Ալեքսանդր Լուկաշենկոն հայտարարել է, որ իր պետությունը դե ֆակտո ընդունել է Ղրիմի՝ Ռուսաստանին միանալը: Նա նաեւ նշել է, որ նրանից ոչ ոք չի պահանջել, որպեսզի իրավաբանորեն ընդունի Ղրիմի ռեֆերենդումը: Գրում է Kommersant.ru-ն:
«Ղրիմը դե ֆակտո դարձել է Ռուսաստանի մաս: Իրավիճակը զարգանում է դե ֆակտո, եւ մենք կլինենք ՌԴ-ի հետ»,- հայտարարել է Բելոռուսիայի նախագահ Ալեքսանդր Լուկաշենկոն: «Ղրիմն այսօր Ռուսաստանի տարածքում է: Կարելի է ճանաչել դա, կարելի է չճանաչել, դրանից ոչինչ չի փոխվի»,- ասել է նա: Նրա կարծիքով՝ Ղրիմի կորուստի համար մեղավոր են ուկրաինական իշխանությունները: «Գալով իշխանության գլուխ` ինչու՞ արգելել ռուսաց լեզուն եւ ճնշել ռուսախոսներին,- ասել է Լուկաշենկոն՝ ավելացնելով, որ Ղրիմում ապրում է 2.5 միլիոն ռուս եւ այդ պատճառով Ռուսաստանը միջամտել է:
