Գերմանիայի արտաքին գործերի նախարար Ֆրանկ-Վալտեր Շտայնմայերը Ռուսաստանին մեղադրել է Եվրոպայի պառակտման մեջ: Հայտնում է ուկրաինական «Ինտերֆաքս»-ը:
«Անցած շաբաթվա Ղրիմի հանրաքվեն, Դաշնային խորհրդի որոշումը և ՌԴ կազմի մեջ Ղրիմի հետագա ինտեգրացիայի գործընթացը տանում է միջազգային իրավունքների խախտմանը և Եվրոպայի պառակտման փորձին», – ասել է նա Ուկրաինայի վարչապետ Արսենի Յացենյուկի հետ Կիևում կայացած ճեպազրույցի ժամանակ:
Շտայնմայերի կարծիքով` Ռուսաստանի գործողությունները հակասում է իրենց անցած ճանապարհին, «այն բոլոր փորձառությանը, որը մենք ձեռք ենք բերել տասնամյակների ընթացքում»:
«Մենք չենք կարող հաշտվել ստեղծված իրավիճակի հետ ու չենք կարող թույլ տալ, որ արյունահեղություն լինի», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
