Երեկ Արցախյան պատերազմի հերոս, 1993 թ. պաշտպանության նախարարի պաշտոնակատար գեներալ-լեյտենանտ Նորատ Տեր-Գրիգորյանցը՝ «Առաջին լրատվական»-ին ասել էր, որ Ղարաբաղը, ինչպես նաեւ Հայաստանը պետք է միանան ՌԴ-ին , քանի որ ռուսական տարածք է, իսկ գեներալ Մանվել Գրիգորյանն էլ հայտարարել էր, որ ավելի լավ է Ռուսաստանը միանա Հայաստանին:
ԱԺ ՀՀԿ խմբակցության պատգամավոր Աշոտ Աղաբաբյանից «Առավոտը» հետաքրքրվեց, թե ի՞նչ կարծիք ունի նման հայտարարությունների վերաբերյալ:
Պատգամավորն ասաց. «Ղարաբաղը ընդամենը կարող է մտնել Հայաստանի մեջ: Իսկ Հայաստանը իրավունք չունի Ռուսաստանի կազմի մեջ մտնելու, որովհետեւ բոլոր ՍՍՀՄ հանրապետությունները, երբ որ առանձնացան, առանձնացան շատ շահավետ ձեւով, իսկ մենք՝ պատերազմով: Դրա համար չեմ կարծում, որ որեւիցե հայ կողմ կլինի Ռուսաստանի մեջ մտնելուն»:
Նկատեցինք, որ մինչ այժմ Ռուսաստանը ինչ ուզել է, Հայաստանը արել է, ընդհուպ մինչեւ Մաքսային միություն ենք շտապով մտնում, գուցե մի օր էլ ասի՝ պետք է մտնեք ՌԴ կազմի մեջ, էլի՞ պիտի համաձայնվենք: Աշոտ Աղաբաբյանը պատասխանեց. «Թող ասի, մենք էլ կասենք՝ չենք մտնում… Իսկ Մաքսային միությունը դրա հետ կապ չունի, Մաքսային միությունը ընդամենը պետությունների փոխհարաբերություն է, շահավետ փոխհարաբերություն է»: Մեր հաջորդ հարցին՝ որքանո՞վ է ճիշտ հիմա, երբ ողջ աշխարհը Ռուսաստանին դեմ է դուրս եկել, սանկցիաներ է կիրառում, մենք մտնենք այդ միության մեջ, Ա. Աղաբաբյանը պատասխանեց. «Դա նրա հետ ընդհանրապես կապ չունի, բայց Ռուսաստանը մեր դարավոր ընկերն է եղել, բարեկամն է եղել, եւ Ռուսաստանի քայլերը համապատասխանում են միջազգային օրենսդրությանը, մարդիկ ինքնորոշվեցին, իրենց ցանկությունն էր… բայց մենք ինչի՞ պիտի դեմ լինենք, մենք էլ շատ կուզենանք, որ Ղարաբաղը միացվի Հայաստանին»:
Կարդացեք նաև
Շարունակելով Մաքսային միության թեման՝ պատգամավորից հետաքրքրվեցինք, թե նրա կարծիքով ինչո՞ւ ենք, այնուամենայնիվ, շտապում մտնել այդ միության մեջ, հաշվի առնելով, որ դա սոցիալապես եւ տնտեսապես շահավետ չէ՝ բազմաթիվ ապրանքներ թանկանալու են: «Չեն թանկանա էն ապրանքները կամ նյութերը, որոնք ժողովրդի վրա կազդեն, դա կարող է ազդել ընդամենը հարուստների եւ միջին զամբյուղ ունեցողների վրա, որովհետեւ եվրոպական մեքենաներն են թանկանալու, Ռուսաստանը մեքենա է արտադրում, որը մեզ համար էժան կլինի, իսկ եվրոպականը՝ թանկ…»:
Մելանյա ԲԱՐՍԵՂՅԱՆ
Армения независимая страна. Любой человек, не смотря за заслуги, посягающий на независимость Армении, должен ответить перед законом, как изменник родины. Госп. Агабаян лукавит. Армении ТС не выгоден. Он это знает. И вопрос не в таможенных отношениях. Готовится почва для поглощения Армении. Власти Армении готовят свою могилу. Они играют в игру, в которой проиграют в любом раскладе. Главное, чтобы Армения спаслась. От своих властей, врагов и “друзей”.
Սրանից՝ ի՞նչ կարծիք։