Մի քանի օր առաջ ԱՄՆ-ում մահացել է Հոկտեմբերի 27-ի գործով վկա, 1999-ին ՀՀ ազգային հեռուստատեսության թղթակից-մեկնաբան, Նաիրի Հունանյանի մտերիմ ընկեր Տիգրան Նազարյանը: Ըստ շրջանառվող լուրերի՝ նա մահացել է քաղցկեղից, բայց…
Ի՞նչ գիտեր Տիգրան Նազարյանը Հոկտեմբերի 27-ի վերաբերյալ, ինչո՞ւ էր վախենում Հայաստան վերադառնալ, ինչո՞ւ էր կարծում, որ իրեն աքսորել են Հայաստանից:
«Առաջին լրատվականը» զրուցել է «Ժառանգություն» կուսակցության քարտուղար Ստյոպա Սաֆարյանի հետ, որը 99-ի հոկտեմբերի 27-ից հետո «Օրրան» թերթում «Մեծ գործ. մանրուքներ» խորագրով վերլուծական էր տպագրում տեղի ունեցածի կապակցությամբ:
-Պարոն Սաֆարյան, քանի որ վկաները գնալով պակասում են, կարո՞ղ ենք ասել, որ մենք այդպես էլ չենք ունենալու Հոկտեմբերի 27-ի վերջնական բացահայտում:
Կարդացեք նաև
-Բացահայտման առումով հույսս ամենևին չեմ կորցրել: Վստահ եմ, որ մի գեղեցիկ օր ոչ միայն ԱԱԾ-ի արխիվների գաղտնազերծման, այլ նաև շատ ավելի այլ իրավիճակում մենք կունենանք նորանոր վկայություններ: Տիգրան Նազարյանի հետ կատարվածը ցույց է տալիս, որ այդ շրջանակը, որը այս կամ այն կերպ որևէ բան գիտի Հոկտեմբերի 27-ի մասին, ուղղակի վախենում է հայտնել: Ես չեմ բացառում, որ այդպիսի մարդիկ այսօր ուղղակի վախենում են խոսել: Իհարկե, կյանքը ցույց է տալիս, որ նրանց լռությունը ոչ թե նրանց անվտանգության գրավականն է, այլ ճիշտ հակառակը՝ նրանց վտանգվածության պատճառն է:
-Փաստացի, Տիգրան Նազարյանը ներկա է եղել Ռոբերտ Քոչարյան – Նաիրի Հունանյան հանդիպմանը: Հնարավո՞ր է՝ հենց այդ մանրամասնությունները ձեռնտու չէին ոմանց:
-Խոսքն էլ հենց դրա մասին է: Ժամանակին շատ բուռն քննարկման առարկա էր, թե ինչու չի ձայնագրվել Ռոբերտ Քոչարյան – Նաիրի Հունանյան հեռախոսազրույցը: Եվ հենց ասուլիսի ընթացքում Տիգրան Նազարյանը՝ որպես ԱԱԾ-ի աշխատանքներին քաջատեղյակ անձնավորություն, ակնարկում է, որ եթե բարձրախոսները միացրած են եղել, ապա դա նշանակում է, որ ԱԱԾ-ն կարող է և ձայնագրել այդ խոսակցությունը: Սա նշանակում է, որ նա առնվազն ցույց է տալիս, թե որտեղ կարող է լինել այդ ձայնագրությունը: Այս առումով չափազանց կարևոր է այն երկար զրույցը, որը Ռոբերտ Քոչարյանն էր ունեցել Նաիրի Հունանյանի հետ՝ քառասուն րոպեից ավելի:
Մանրամասն՝ տեսանյութում:
Մանրամասները կարող եք կարդալ` 1in.am-ի կայքում
