Այսօր՝ մարտի 21-ին տեղի ունեցավ «Ասպիրանտների և երիտասարդ հայցորդների հետազոտությունների աջակցման ծրագիր-2013» մրցույթի հաղթողներին դրամաշնորհների վկայագրերի հանձնման արարողությունը: Ներկա էին ՀՀ Կրթության և գիտության նախարար Արմեն Աշոտյանը, ՀՀ ԿԳՆ գիտության պետական կոմիտեի նախագահ Սամվել Հարությունյանը, ՀՀ Գիտությունների Ազգային Ակադեմիայի նախագահ Ռադիկ Մարտիրոսյանը և Երևանի պետական համալսարանի ռեկտոր Արամ Սիմոնյանը:
Պրն Հարությունյանը ներկայացրեց թվային վիճակագրությունը: Մրցույթին ներկայացվել է 99 հայտ: «Պայմանավորված էր 25 դրամաշնորհ, սակայն Գիտպետկոմի մյուս ծրագրերից մնացած գումարների հաշվին որոշվեց դրամաշնորհների թիվն ավելացնել: Այսօր հանձնելու ենք 28 դրամաշնորհ»,- ասաց պրն Հարությունյանը:
«Մենք տարեկան ընդունում ենք շուրջ 130 առկա համակարգի ասպիրանտ, շուրջ 150 հեռակա համակարգի ասպիրանտներ: Իրար հետ շուրջ 280 հոգի ընդունվում են ասպիրանտուրա: Այս թվերն առանց հայցորդների է, որոնց ընդունում են բուհերը: Ըստ այս թվերի՝ մենք կարողանում ենք տարվա կտրվածքով 10% լավագույն ասպիրանտներին դրամաշնորհներ տրամադրել: Սա վատ ցուցանիշ չէ»,- ասաց պրն Աշոտյանը:
Շնորհառուներից 20-ը ասպիրանտներ են (11 առկա ուսուցմամբ և 9 հեռակա), 8-ը` հայցորդներ: Ֆինանսավորման երաշխավորված թեմաներից 8-ը ներկայացրել են ՀՀ ԳԱԱ ինստիտուտների ասպիրանտները և երիտասարդ հայցորդները: 8 թեմա հաղթող է ճանաչվել ԵՊՀ-ից, 3 թեմա` Հայ-ռուսական (սլավոնական) համալսարանից, 5-ը` Հայաստանի պետական ճարտարագիտական համալսարանից և 1-ական թեմաներ` Հայաստանի պետական տնտեսագիտական, Մ. Հերացու անվան բժշկական, Հայաստանի ազգային ագրարային և Վ. Բրյուսովի անվան պետական լեզվաբանական համալսարաններից:
Կարդացեք նաև
«28 դրամաշնորհներ հատկացնելիս մենք նաև հաշվի ենք առել, թե որ համակարգում է սովորում այդ ասպիրանտը: 20 բուհական կրթաթոշակներից 7 բուհի ուսանողներ են կարողացել ստանալ այս մրցանակները: Հետևաբար, հաշվի առնելով, որ Հայաստանում գործում են 22 պետական և միջպետական բուհեր, կարծում եմ թիվը բավարար և գոհացուցիչ չէ: Հատկապես այն բուհերի համար, որտեղից շահող գիտնականներ չունենք»,- ասաց նախարարը: Այնուհետև հավելեց. «Այս թվերը լավագույնս ապացուցում են այն տարածված միֆը, թե գիտությամբ զբաղվում են և կարելի է զբաղվել բացառապես լինելով առկա համակարգի ասպիրանտ: Խաբկանք է, թե ասպիրանտուրա առկա համակարգ չլինելու պարագայում Հայաստանում գիտական համակարգի զարգացումը կխաթարվի, և մենք լավ գիտական պրոդուկտ չենք կարողանա ունենալ»:
ՀՀ ԳԱԱ նախագահ Ռադիկ Մարտիրոսյանն էլ ասաց. «Սա գնահատական է ձեր այն համեստ աշխատանքին, որ կատարել եք: Երիտասարդների աջակցության ծրագրերը, որոնք այսօր իրականացվում են ՀՀ-ում, շատ են: 10%-ը միայն այս մրցույթով է ստանում: Նույն երիտասարդներին դրամաշնորհներ տրամադրում է ԳԱԱ, թեմատիկ ֆինանսավորումներ, նախագահի կողմից ֆինանսավորում: Եթե մենք գումարենք այդ գումարը, մոտավորապես կես միլիարդ դրամ է ստացվում»:
Իսկ ԵՊՀ ռեկտոր Արամ Սիմոնյանը խոսեց դրամաշնորհների մասին: Նա ասաց. «Եթե համեմատենք այն հնարավորությունները, որն ունի մեր երկիրը, այս դրամաշնորհները խիստ զգալի են: Ցավում եմ, որ բուհական ոլորտում ոչ բոլոր համալսարանների ասպիրանտներն ու հայցորդները կարողացել են այդ մրցանակները շահել: Գիտությամբ զբաղվելը էլիտար զբաղմունք է: Ամեն մարդ չէ, որ կարող է գիտությամբ զբաղվել: Դա առանձնաշնորհ է»:
Այնուհետև հանձնեցին վկայագրերը:
Արարողությունից հետո նախարարը նշեց, որ երիտասարդ գիտնականներն իրեն են դիմել և բողոքել պարտադիր կենսաթոշակային համակարգից: Պրն Աշոտյանն ասաց, որ ինքը դիմել է սոցապ նախարարին, և հաջորդ շաբաթ հանդիպում են ունենալու, որտեղ քննարկելու են, թե գիտնականներն ինչպիսի խնդիրներ են տեսնում և ինչպիսի լուծումներ ունեն:
Վարդուհի ԲԱԼՅԱՆ
Լիովին Համաձայն եմ Արամ Սիմոնյանի հետ: Ամեն մարդ (հանձինս Ձեզ) չէ, որ կարող է գիտությամբ զբաղվել. Oրինակ դուք գիտնական չէք, ուրեմն մի խոսեք գիտությունից…
Տարիներ շարունակ կրտսեր ,,Նժդեհ,, Արամ Սիմոնյանին պարբերական այցելություններ էր տալիս Նժդեհի ամենաարդար ու ամենաանմիջական ժառանգորդ Լիսկան….
Եվ դա բոլորի աչքի առաջ էր…
☆☆☆☆☆☆☆☆☆☆☆☆☆☆
ԵՊՀ ռեկտոր Արամ Սիմոնյանի օրոք թալանվել է գիտական գրադարանի հնատիպ և հազվագյուտ գրականությունը (աղմկահարույց դատավարւթյունն արդեն ավարտվել է), վերջին երեք տարիներին յուրացվել է մի քանի տասնյակ միլիոնի հասնող ուսանողական վարձավճարները, որի քննություը ընթացքի մեջ է: Եվ այդ անձը շարունակելով մնալ փափաւկ աթոռին բազմած` նույնիսկ ,,էլիտր,, դատողություններ է անում ու աստվածային շնորհներից խոսում…
Լիսկայի միջնորդած ռեկտորը դեռ շատ անակնկալներ կմատուցի…