Նախկինում հայտնել ենք, որ Տավուշի մարզի Արծվաբերդ գյուղի բնակիչ, պայմանագրային զինծառայող, կոչումով շարքային, 1986թ. ծնված Մարտիկ Բալյանին մեղադրանք է առաջադրվել այն բանի համար, որ նա 2013թ. մայիս-հոկտեմբեր ամիսներին փաստական ամուսնական հարաբերությունների մեջ է գտնվել եւ փոխադարձ համաձայնությամբ սեռական հարաբերություններ ունեցել 1999թ. մայիսին ծնված աղջկա հետ:
Մ. Բալյանին մեղադրանք է առաջադրվել ՀՀ քրեական օրենսգրքի 141 հոդվածով(«Սեքսուալ բնույթի գործողություններ կատարելը տասնվեց տարին չլրացած անձի հետ»): Սույն հոդվածը նախատեսում է տուգանք՝ նվազագույն աշխատավարձի հարյուրապատիկից երկուհարյուրհիսնապատիկի չափով կամ ազատազրկում ՝ առավելագույնը երկու տարի ժամկետով:
Հետաքրքիր է, որ 1999թ. ծնված, սոցիալապես անապահով ընտանիքից սերված աղջիկը, ով ծննդով Կոտայքի մարզից է, այդ մարզում, 12 տարեկան hասակում, սեռական կապի մեջ մտնելով մի տղամարդու հետ, նույն տարում ունեցել է երեխա, որն արդեն 2 տարեկան է: Այդ կապակցությամբ քրեական գործ է հարուցվել, սակայն այդ տղամարդուն չեն հայտնաբերել, որի պատճառով քրեական գործը կասեցված վիճակում է: Աղջիկն այժմ իր երեխայի հետ Արծվաբերդում բնակվում է Մարտիկ Բալյանի տանը: Արծվաբերդի բնակիչներից տեղեկացանք, որ Մ. Բալյանը նախկինում ամուսնացած է եղել, կնոջից բաժանվել է , առաջին ամուսնությունից մի երեխա ունի:
Բալյանի նկատմամբ խափանման միջոց է ընտրվել չհեռանալու մասին ստորագրությունը: Տավուշի մարզի առաջին ատյանի դատարանի Բերդի նստավայրում այս քրեական գործով դատավարության առաջին՝ մարտի 19-ի նիստը հետաձգվել է, քանի որ Մ. Բալյանն այդ oրը սահմանագոտում ծառայության մեջ է եղել:
Կարդացեք նաև
Ոսկան ՍԱՐԳՍՅԱՆ
