«Կոնգրես» հյուրանոցում սկսվել է «Մարդու իրավունքների պաշտպանության հիմնախնդիրները Հայաստանի Հանրապետության զինված ուժերում» զեկույցի ներկայացումը:
Հելսինկյան քաղաքացիական ասամբլեա Վանաձորի գրասենյակի նախագահ, իրավապաշտպան Արթուր Սաքունցը ներկայացրեց զեկույցը, որը ֆինանսավորվել է ԱՄՆ պետդեպարտամենտի դրամաշնորհի շրջանակներում: Հարցումներ էին կատարվել հիմնականում ՀՀ զինված ուժերի կարգապահական կանոնագրքի կիրառման արդյունավետության հետ կապված, հետազոտությունում ընդգրկվել էին երեք մարզեր եւ Երեւան քաղաքը:
Արթուր Սաքունցը ներկայացրեց կարգապահական խախտումները, ասելով, որ հետազոտության շրջանակներում արծարծված հարցումների արդյունքում պարզվել է, որ ծառայության ընթացքում հարցման ենթարկվածների 32,6%-ը ենթարկվել է տույժի, 67,4%-ը որեւէ տույժի չի ենթարկվել: Ըստ զեկուցողի՝ տույժերի կիրառման պատճառ են հանդիսանում յուրաքանչյուր 5-ից 1-ի կարծիքով՝ միջանձնային կոնֆլիկտները, կարգապահական կանոնների խախտումները (հեռախոսով խոսել, մարտական հերթապահության կանոնների խախտում, արտաքին տեսքի խախտում)՝ 30-8%-ը:
Կարդացեք նաև
Ուշագրավ է, որ զորացրվածները զորամասի տարածքը ինքնակամ լքելու առաջին պատճառ են համարել կարոտը եւ ընտանեկան պատճառները: Յուրաքանչյուր 5-ից 1-ը հայտնել է, որ ցանկացել է հանդիպել ընկերներին: Ըստ Ա. Սաքունցի՝ մտահոգիչ է ոչ շարային կեցվածքի հիմքով կարգապահական կալանքի ենթարկելու հանգամանքը եւ պրակտիկան: Գործել է նաեւ խրախուսման 13 կետից բաղկացած համակարգ: Ի դեպ, խրախուսանք է համարվել նաեւ կարգապահական տույժից զինվորներին հանելը:
Մանրամասները՝ քիչ հետո:
Ռուզան ՄԻՆԱՍՅԱՆ
