Ուկրաինայի փոխվարչապետ Վիտալի Յարեմին և պաշտպանության նախարարի պաշտոնակատար Իգոր Տենյուխին թույլ չեն տվել Ղրիմ մտնել, ինչի համար Ազգային անվտանգության և պաշտպանության խորհրդի արտակարգ նիստ է հրավիրվել: Հայտնում է ուկրաինական «Ինտերֆաքս»- ը:
Պաշտոնյաներին Ղրիմ էր ուղարկել Ուկրաինայի վարչապետ Արսենի Յացենյուկը՝ մարտի 18-ին Սիմֆերոպոլում ուկրաինացի զինվորականի սպանության հետ կապված՝ իրավիճակը կարգավորելու և ռազմական գործողությունները կանխելու համար:
«Տենյուխին և Յարեմին Ղրիմ չեն թողել: Դրա համար հրավիրվել է ԱԱԽՊ արտակարգ խորհրդակցություն, և նրանք կլուծեն այդ խնդիրները», – ասել է սոցիալական քաղաքականության նախարար Լյուդմիլա Դենիսովան:
Ներքին գործերի նախարար Արսեն Ավակովը հայտնել է, որ ԱԱԽՊ նիստի ժամանակ նաև կքննարկվի Ղրիմում ՆԳՆ աշխատակիցներին դուրս բերելու հարցը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
