ՀՀ քրեական եւ զինվորական գործերով վերաքննիչ դատարանն այսօր պետք է լսեր Հայաստանի քաղաքագետների միության նախագահ Հմայակ Հովհաննիսյանի բողոքը, որը կապված էր Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից կայացրած դատավճռի հետ: Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից Հ. Հովհաննիսյանը դատապարտվել է 100.000 դրամ տուգանքի՝ «Հայհիդրոէներգոնախագիծ» ՓԲԸ սեփականատեր Սենիկ Ջուլհակյանին «հրելու», «մարմնական վնասվածք հասցնելու» համար: Տուժողն այսօր դատարան չէր եկել եւ խնդրել էր դատարանից՝ բողոքը լսել առանց իր մասնակցության, իսկ մեղադրողի բացակայության մասին դատարանը որեւէ տեղեկություն չուներ:
Չնայած թե՛ Համայակ Հովհաննիսյանը, թե՛ նրա՝ այսօր ներգրավված նոր պաշտպանը՝ ՀՀ փաստաբանների պալատի անդամ Սերյոժա Աբրահամյանը կողմ էին, որ բողոքի քննությունը շարունակվի, սակայն դատարանը որոշեց հետաձգել նիստը: Այն նշանակեց մարտի 31-ին:
Ռուզան ՄԻՆԱՍՅԱՆ
