Արամ MP3-ին «Եվրատեսիլ-2014» սիրված մրցույթին կներկայանա «Not alone» («Դու մենակ չես») խորագիրը կրող երգով: Քիչ առաջ Առաջին ալիքի եթերում կայացավ երգի եւ տեսահոլովակի հայաստանյան պրեմիերան, որի ընթացքում մրցույթի այս տարվա Հայաստանի պատվիրակին ողջունելու էին եկել մրցույթում նախորդ տարիներին Հայաստանը ներկայացրած մասնակիցները` Սիրուշոն, Հայկոն, Անդրեն, Էմմին, Եվա Ռիվասը եւ Գոռ Սուջյանը:
«Not alone» երգի հեղինակը Արամ MP3-ին է, խոսքերի հեղինակը` Գարիկ Պապոյանը: Երգի գործիքավորումը կատարել է Լիլիթ Նավասարդյանը, իսկ տեսահոլովակի ռեժիսորը Գրիգոր Գասպարյանն է:
Երգը բնորոշող 3 բառերն են՝ «պայքարի´ր հանուն սիրո»:
Կարդացեք նաև
Տեսահոլովակը կարող եք դիտել հետեւյալ հղումով`
Մրցույթի կիսաեզրափակիչ փուլն այս տարի կկայանա մայիսի 6–ին եւ 8-ին, իսկ եզրափակիչը` մայիսի 10-ին:
Առաջին ալիք
Հասարակայնության հետ կապերի բաժին
