Այսօր Գյումրու քաղաքապետ Սամվել Բալասանյանը քաղաքի ցեխոտ փողոցների թեմայով դարձյալ խորհրդակցություն էր հրավիրել իր մոտ, որին մասնակցում էին ինչպես Ջրմուղի ղեկավարությունը, այնպես էլ քաղաքի ջրագծերի բարելավմամբ զբաղվող շինարար կազմակերպությունների` «Սադե»-ի և «Դորոժնիկ»-ի ներկայացուցիչները: Այսօր քաղաքապետն ավելի մեղմ էր խոսում, առաջարկում էր միասին մտածել, ելք փնտրել, որպեսզի գյումրեցիները չհայտնվեն ցեխի գերության մեջ:
Քննարկման ընթացքում քաղաքապետը մի շատ հետաքրքիր ու պատկերավոր փաստ մեջբերեց` ցույց տալով, թե ինչ խայտառակ վիճակի մեջ է գցում մարդկանց քաղաքի ցեխերը: «Գնացել էինք գծի հետև`Նորավան թաղամաս, մի երկու օր առաջ թաղում էր էնտեղ, մինչև կարողացանք տեխնիկա ուղարկել, թաղումը կազմակերպել… գեղեցիկ չէ էլի քաղաքի մեջ էս ամեն ինչը…»,- անկեղծացավ Գյումրու քաղաքապետը:
Սամվել Բալասանյանն ասաց, որ անգիր գիտի քաղաքի փոսերը, քանի որ ամեն օր 30 կամ 40 րոպե քաղաքով ման է գալիս: Նա ասաց նաև, որ շահագրգիռ կազմակերպությունների ներկայացուցիչներին չի հրավիրել իր մոտ նրանց մեղադրելու համար, քանի որ, եթե մեղադրելու հարց լինի, առաջին հերթին իրեն կմեղադրի` միայն թե գյումրեցիների հարցը լուծվի: Այնուհետ քաղաքապետը, դիմելով իր բնակկոմունալ բաժնի պետ Կնյազ Մանասյանին, նրան հանձնարարական տվեց տեր լինել նաև ասֆալտապատած փողոցներին, քանի որ երկրորդական փողոցների ցեխը տեղափոխվել է կենտրոնական փողոցներ, հրապարակ:
«Դա գիշերը լինի, Մանասյան, դա չգիտեմ երբ լինի, հանեք տեխնիկա, չունե՞ք, ինձ ասեք, ես տեխնիկա նորից ձեռք բերեմ: Չգիտեմ` ի՞նչ է պետք, ինձանից ի՞նչ է կախված, առնել, գնել, բերել, որպեսզի դուք կարողանանք գիշերներով հավաքվեք` ջրցաններով, չգիտեմ ձեր ունեցած հնարավորություններով, տրակտորներով հավաքվել, մաքրել, ասֆալտի վրայից ուղղակի ցեխը հանել»,- ասաց քաղաքապետը:
Կարդացեք նաև
Հանդիպումը լուսաբանող լրագրողներին մի պահ թվաց, թե քաղաքապետը գիշերներն աշխատելու հանձնարական տալով ուղղակի ուզում է պատկերավոր ներկայացնել իր խոսքը, սակայն քիչ անց Սամվել Բալասանյանը նորից կրկնեց գիշերները աշխատելու իր հանձնարարականը` նշելով, որ գիշերային ժամերը հարմար են, մեքենաները չեն կայանի, տրանսպորտը չի աշխատի և հարմար կլինի ցեխերը մաքրելը:
Նունե ԱՐԵՎՇԱՏՅԱՆ
Ինչ ասեմ, թե այս տեմպով քաղաքապետարանը գործեց, կվերադառնանք քարե դար… Արդեն 1,5 տարի է այնտեղ որոշում են աղբը /զիբիլը/ ինչպես են հավաքելու, ասֆալտը անելու են թե չե, չայկա մակնիշի մեքենան ով և ինչու է գնել, քաղաքապետարանի աշխատողներից ովքեր են շփվում Վ.Ղուկասյանի հետ և նրանք իրավունք ունեն մտնելու քաղաքապետարան թե ոչ, որ փողոցն է ավելի ցեխոտ /թվում է թե, եթե թաղման չգնաին, չէին իմանա, որ փողոցները ահավոր վիճակի են/:
Հասկացանք, Գյումրի քաղաքը դարձավ Մշակույթի քաղաք, որը շատ ողջունելի է և վերջապես դա այդպես էլ պետք է լիներ: Սակայն դա չի նշանակում, որ աշխատելու փոխարեն դերասանություն պետք է անեն, ժողովուրդի երեսին թոզ փչեն, դատարկ, ծիծաղելի խոստումներ և սպառնալիքներ հնչեցնեն: Ուշքի եկեք, եթե չեք կարող, ասեք, հարցնելը ամոթ չէ…….
Էդ որ մեռելտունն է ընդունել Բալասանյանին, հանդուրժել նրա ներկայությունը? սուտ է ասում, ինքը մեռել տուն գնա, իրան ընտեղից դուրս կենեն