Այսօր «Հայացք» ակումբում թուրքագետ Անուշ Հովհաննիսյանը խոսեց Թուրքիայի ներքաղաքական իրավիճակի, ներքաղաքական զարգացումների ու տարածաշրջանային փոփոխությունների մասին:
Անուշ Հովհաննիսյանը հայտնեց, որ առաջիկայում՝ մայիսի 30-ին Թուրքիայում կայանալու են ՏԻՄ ընտրություններ, որին վարչապետ Ռեջեփ Թայիփ Էրդողանը գնում է բավական թուլացած հիմքերով, ու քանի որ վարչապետի հիմնական
հակառակորդը Գյուլենն է: Անուշ Հովհաննիսյանի խոսքով, ամենայն հավանականությամբ, Էրդողանը ՏԻՄ ընտրություններում առավելագույնը կարող է հավաքել 35 տոկոս ձայն ու այդ մասին վկայում են նաեւ սոցհարցումները. «Էրդողանը չի պատրաստվում դուրս գալ քաղաքականությունից, քանի որ բավականին ուժեղ քաղաքական գործիչ է»,- ասաց նա, ավելացնելով, որ Թուրքիայում կայանալիք նախագահական ընտրությունների արդյունքները կախված կլինեն մայիսին կայանալիք ՏԻՄ ընտրություններից:
Ղրիմի հարցի վերաբերյալ էլ, Անուշ Հովհաննիսյանը հետեւյալ կարծիքի է, ըստ նրա՝ Թուրքիան իրեն բավական ակտիվ է դրսեւորում Ղրիմի թաթարների հարցում, եւ քանի որ պարզվել է, որ թուրքական էլիտայից շատերը սերում են Ղրիմի թաթարներից, Էրդողանն ու Պուտինը զրույց են ունեցել ու որոշել Ղրիմի թաթարներին արտոնություններ տալ:
Կարդացեք նաև
Եվա ՀԱԿՈԲՅԱՆ
