Մարտի 13-ին ՀՀԿ ԳՄ նիստից հետո Էդուարդ Շարմազանովը խոսելով ներքաղաքական իրավիճակի մասին ու մեկնաբանելով ՀՀԿ-ի ուժերը գերագնահատելու վերաբերյալ Լեւոն Զուրաբյանի ասածին` ասաց, որ կարիք չունի այլ կուսակցությունների, խմբակցությունների ներկայացուցիչներին մեկնաբանելու. «Ես արձանագրել եմ փաստը: Իսկ պարոն Զուրաբյանը ուզի, թե չուզի ՀՀԿ-ն այսօր ամենաազդեցիկ քաղաքական կուսակցությունն է եւ դա ոչ թե պարոն Զուրաբյանի, կամ իմ ցանկությունով է, այլ իրականացվել է հանրության ընտրության միջոցով: Մեկ տարի առաջ կայացավ ամենամեծ համայնքում ընտրություններ եւ մենք տեսանք, թե ինչքան ձայն հավաքեց ՀԱԿ-ը ներկայացնող անձնավորությունը, եւ ինչքան ձայն հավաքեց ՀՀԿ-ն: Այսպիսով`մեկնաբանությունները թողնում եմ ձեզ»:
Եվա ՀԱԿՈԲՅԱՆ
