Այսօր կառավարությունը եւս 50 միլիոն լրացուցիչ գումար կհատկացնի Արդարադատության նախարարությանը Մաքսային միությանը միանալու համար անհրաժեշտ փաստաթղթերը հայերենից ռուսերեն թարգմանելու համար: Մինչ այդ նախարարությանը նույն գործի համար արդեն հատկացվել էր 125 միլիոն դրամ:
Արդարադատության նախարար Հրայր Թովմասյանը վարչապետին պատճառաբանեց, որ մինչ այժմ կար 10 հազար 100 էջ, սակայն 19 500 էջ էլ ավելացել է, ինչի համար էլ անհրաժեշտ են այդ լրացուցիչ գումարները:
Թարգմանությունը կկատարի արդարադատության նախարարության «Թարգմանությունների կենտրոն» ՊՈԱԿ-ը:
Այս պահին ներկայացվել են երեք գերատեսչությունների՝ Պետական եկամուտների կոմիտեի, ֆինանսների նախարարության եւ տնտեսական մրցակցության պաշտպանության պետական հանձնաժողովի փաստաթղթերը:
Կարդացեք նաև
Լուսինե ԲՈՒԴԱՂՅԱՆ
