«Հայաստանի պատանեկան նվաճումներ» կազմակերպությունը ԱՄՆ ՄԶԳ-ի կողմից հովանավորվող «Ձեռնարկատիրական և քաղաքացիական կրթություն երիտասարդների համար» ծրագրի շրջանակներում հանրապետության 11 աշակերտական հասարակական կազմակերպությունների (Խնձորեսկի, Արամուսի, Քուչակի, Վ. Ծաղկավանի, Ոսկետափի, Արազափի միջնակարգ, Մարտունու և Ջերմուկի ավագ, Երևանի թիվ 52 հիմնական, Ստեփանավանի Ճգնաժամային կառավարման պետական ակադեմիակրթական հաստատություն, Գյումրու «Ֆոտոն» վարժարան) տրամադրել էր դրամաշնորհներ հանրային եւ համայնքային ծրագրեր իրականացնելու նպատակով:
Այդ ծրագրի շրջանակներում անցած կիսամյակում՝ աշակերտները նախաձեռնել էին իրական բիզնես գործառնություններ: Նրանք իրենց վաստակած գործարար շահույթի մի մասը հատկացրել էին հանրային և համայնքային ծրագրերի նախաձեռնմանը՝ դպրոցամերձ տարածքի բարեկարգում, ասֆալտապատում, բաց դասերի եւ դպրոցական միջոցառումների իրականացում եւ այլն:
Ավելի քան 100 աշակերտական կազմակերպություններ ներկայացրել էին իրենց հայտ -առաջարկներ՝ հանրային ծրագրեր իրականացնելու նպատակով կազմակերպության կողմից հայտարարված դրամաշնորհային մրցույթին: Ընտրվեցին 11 լավագույնները: Նրանցից յուրաքանչյուրին այսօր «Օրրան» բարեգործական կազմակերպության գրասենյակում շնորհվեց 120 000 ՀՀ դրամի չափով դրամաշնորհ: «Հայաստանի պատանեկան նվաճումներ» կազմակերպության գործադիր տնօրեն Արմինե Հովհաննիսյանը կարեւորեց աշակերտների հետեւողականությունը եւ շրջապատը բարենորոգելու ցանկությունը, նաեւ ոգեւորվեց, որ երեխաներն ամեն ինչի հիմքում սեր են ներդրել:
Կարդացեք նաև
Գոհար ՀԱԿՈԲՅԱՆ
