2012-ի համեմատ 2013-ին Հայաստանում ամուսնությունները նվազել են 3,7, իսկ ամուսնալուծություններն աճել են 15,6%-ով։ Ամուսնալուծության բարձր ցուցանիշ է գրանցվել Լոռու մարզում, այնուհետեւ՝ Երեւանում, Արարատի եւ Կոտայքի մարզերում։
Ըստ Ազգային վիճակագրական ծառայության մարդահամարի եւ ժողովրդագրության բաժնի պետ Կարինե Կույումջյանի, 2013թ. արձանագրվել է ամուսնալուծության 3 հազար 756 դեպք՝ 2012 թվականի 3 հազար 250 դեպքի համեմատ։
Իհարկե, ամուսնալուծության պատճառները տարբեր ընտանիքներում լինում են տարբեր, այնուհանդերձ, հաճախ դրանք կրկնվում են։ Ամուսնությունից հետո շատ կանանց մոտ անցնում է սիրահարվածությունը, ռոմանտիկան, նրանք սկսում են գիտակցել, որ ամուսնու հետ ունեն կյանքի տարբեր ընկալումներ, աշխարհայացք, զգացմունքներն էլ այնքան ուժեղ չեն, որպեսզի կարողանան շարունակել համատեղ ապրել ողջ կյանքում։
Հոգեբան Արմենուհի Կարապետյանն ասում է. «Հաճախ երիտասարդներն առանց մշտական աշխատանքի ու բնակության վայրի ամուսնանում են։ Հետագայում լուրջ խնդիրներ են ծագում, ընտանիքում դառնում վեճերի ու կոնֆլիկտների պատճառ եւ արդյունքում ավարտվում են ամուսնալուծությամբ։ Ամուսնալուծության պատճառներից է արտագնա աշխատանքը, որոնց պատճառով ամուսնական զույգը երկար ժամանակ բաժանության մեջ է գտնվում։ Կարծում եմ, որ պետք չէ շտապել ամուսնանալ։ Ամեն ինչ ունի իր ժամանակը, անպայման այդ օրը կգա։ Ամուսնությունն ամուսիններից յուրաքանչյուրից էլ պահանջում է որոշակի անձնազոհություն, եւ եթե զույգերից որեւէ մեկը պատրաստ չէ դրան, ապա մեծ է հավանականությունը, որ ընտանեկան կյանքը կվերածվի փոխադարձ մեղադրանքների ու վեճերի անվերջանալի շարքի»։
Կարդացեք նաև
Նելլի ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
