Յուրի Լևադայի վերլուծական կենտրոնի վերջին հարցախույզի արդյունքների համաձայն, Ռուսաստանի Դաշնության բնակչությանը նախ և առաջ սոցիալական խնդիրներն են հուզում։
Կենտրոնն այդ հետազոտությունն անցկացրել է փետրվարի 21-25-ը Դաշնության 45 շրջանի 130 բնակավայրում։ Հարցաթերթիկները լրացրել է 1603 մարդ։
Հարցվածների 69 տոկոսը առաջնահերթ խնդիր է համարել գնաճը։ Երկրորդ տեղում չքավորությունն է և բնակչության շարունակվող աղքատացումը․ դա է նշել հարցվածների 51 տոկոսը։ Երրորդ պատուհասն էլ, ըստ հարցվածների 33 տոկոսի, գործազրկության աճն է։
Ապա նշվում են կոռուպցիան, տնտեսական ճգնաժամը, թշվառների և հարուստների միջև օրեցօր խորացող անջրպետը, բարոյականության և մշակույթի անկումը, օտարազգիների ներհոսքը, թմրամոլությունը, կրթության թանկացումը, բնապահպանությունը և այլ ախտեր։
Կարդացեք նաև
Հետաքրքիր է, որ միայն 22-րդ տեղում է քաղաքացիական և դեմոկրատական իրավունքների ոտնահարումը։ Դա կարևոր խնդիր է համարում հարցվածների միայն 4 տոկոսը։
Վերլուծաբանները չեն բացառում, որ ռուս-ուկրաինական ներկայիս ճգնաժամի բերումով ռուսաստանցիների ազատություններն էլ ավելի կսահմանափակվեն։ Արևմուտքը կխստացնի վիզաների տրամադրումը, կսառեցնի ոմանց հաշվեհամարները, իսկ Ռուսաստանը ոստիկանական պետությունից կվերածվի բացահայտ դիկտատուրայի, ինչը պարզապես կոչնչացնի դեմոկրատիայի հիմքերը։
Նյութն ամբողջությամբ՝ սկզբնաղբյուր կայքում
