Հատված ԲՀԿ խմբակցության անդամ Ստեփան Մարգարյանի հարցազրույցից:
– Պարոն Մարգարյան, ինչո՞ւ է ԲՀԿ առաջնորդը որոշել նման ֆորմատով հանդիպումներ ունենալ խորհրդարանական ոչ իշխանական ուժերի հետ։ Ինչո՞ւ են հենց հիմա նման հանդիպումներ կազմակերպվում;
– Նախ նշեմ, որ որեւէ հերթականություն՝ նախապատվության իմաստով, չկա, հերթականությունը տեխնիկական է, բոլոր ուժերի հետ հանդիպում լինելու է։ Ինչու է որոշվել հիմա՝ դժվար է ասել, մի օր պե՞տք է լիներ, թե՞ չէ։ Որովհետեւ բավականին ակտիվ է խորհրդարանական ոչ իշխանական ուժերի համագործակցությունը՝ խորհրդարանի ներսում եւ, բնականաբար, այդ ձեւաչափով հանդիպումների ժամանակ հարցեր են առաջանում ամեն մեկի կողմից ճշտելու։ Ավելի շատ դետալների մեջ երկկողմանի ճշտումների համար անհրաժեշտություն առաջացավ, իսկ այդ հանդիպումների ժամանակ հիմնականում երկկողմանի մոտեցումներ են։ Ամեն մեկն իր տեսակետն է ասում, իսկ մյուս կողմը փորձում է միասին քննարկել։
– Նկատենք, սակայն, որ այդ հանդիպումները մեկնարկեցին Լեւոն Տեր–Պետրոսյանի վերջին ելույթից հետո, երբ նա հայտարարեց, թե Գագիկ Ծառուկյանն էլ Հայաստանի Իվանիշվիլին կարող է լինել։ Հնարավո՞ր է, որ հենց առաջին նախագահի այդ զուգահեռի ներգործությամբ է Գագիկ Ծառուկյանը նախաձեռնել այդ հանդիպումները։
Կարդացեք նաև
– Ուրեմն՝ նույնիսկ եթե չլիներ միտինգը, եթե չլիներ Լեւոն Տեր-Պետրոսյանի հայտարարությունը, բնականաբար հանդիպումներ նախատեսվում էին, որովհետեւ կրկնում եմ՝ մի բան է խորհրդարանական ուժերի ձեւաչափով համագործակցությունը, մեկ այլ բան՝ ավելի ընդլայնված հանդիպումներ ունենալը։
– Այսինքն՝ Գ. Ծառուկյանի ոգեւորությունը Տեր–Պետրոսյանի ելույթի հետ կապ չունի՞։
– Դժվարանում եմ կապել, իհարկե չէ, որովհետեւ ավելի շատ կապված է… ոչ թե ոգեւորությունը, այլ բազմաթիվ հարցերի անհետաձգելիությունն է պատճառը, որ փորձում ենք միասնական օրակարգ ձեւավորել։
Սոնա ԳՐԻԳՈՐՅԱՆ
Հարցազրույցն ամբողջությամբ կարող եք կարդալ «Ժողովուրդ» թերթի այսօրվա համարում
