2008 թվականի մարտի 1-ի դեպքերն ուսումնասիրող խորհրդարանական հանձնաժողով ստեղծելու նախագծի տապալումից հետո տպավորությունն այն է, որ իշխող ՀՀԿ-ն ՕԵԿ-ի հետ միասին այնքան է խուսափում Մարտի 1-ի հանձնաժողով ստեղծելու ու այդ թեման քննարկելու տեսլականից, որ պատրաստ է անգամ 2008-ին իշխանական կոալիցիայի մեջ եղած ԲՀԿ-ին ու ՀՅԴ-ին ազատել Մարտի 1-ի քաղաքական պատասխանատվությունից, միայն թե նման հանձնաժողով չստեղծվի:
Այս հանգամանքից ճկուն օգտվեցին ԲՀԿ-ն ու ՀՅԴ-ն, որոնք 2008 թվականին քոչարյանական կոալիցիայի անդամներ էին, և բնականաբար իրենց չափով կիսում էին պատասխանատվությունը Մարտի 1-ի համար: Իր երեկվա քվեարկությամբ ՀՀԿ-ն, կարելի է ասել, ազատեց ԲՀԿ-ին ու ՀՅԴ-ին այդ պատասխանատվությունից: Մինչդեռ այդ երկու քաղաքական ուժերը ոչ միայն Մարտի 1-ին իրադարձությունների ժամանակ գործող կոալիցիայի անդամ էին, այլև կողմ քվեարկեցին արտակարգ դրություն մտցնելուն: Իսկ 2008-ի մարտի 21-ին Հայաստանում ձևավորվեց նոր իշխող կոալիցիա, որի մեջ մտան Հանրապետական կուսակցությունը, «Բարգավաճ Հայաստանը», «Օրինաց երկիրը» և ՀՅԴ-ն… Հետագայում ՀՅԴ-ն լքեց կոալիցիան, իսկ ԲՀԿ-ն նոր կոալիցիա չմտավ:
2008-ին Մարտի 1-ի հարցով ԱԺ ժամանակավոր հանձնաժողովի նախագահ, ՀՀԿ-ական Սամվել Նիկոյանին երեկ հարցրեցինք` չի՞ կարծում, որ մերժելով հանձնաժողով ստեղծելու նախագիծը` ՀՀԿ-ն մաքրում է Մարտի 1-ի հետքերը ԲՀԿ-ի ու Դաշնակցության վրայից: «Հանրապետականն իր առջև խնդիր չի դրել որևէ մեկին դարձնի մեղսակից կամ որևէ մեկին ձերբազատի այդ պատասխանատվությունից»,- հայտարարեց Նիկոյանը` հավելելով. «Բոլորն էլ ունեն հիշողություն, բոլորս էլ հիշում ենք այդ օրերը: Ինչքան էլ չուզենանք, դա պատմություն է և բոլորիս հիշողության մեջ դաջված է, և գիտենք յուրաքանչյուրի գործառույթները, և դուք էլ կարող եք բացել ու տեսնել ելույթները` ով ինչպիսի ելույթ է ունեցել»:
Մարինե Խառատյան
Կարդացեք նաև
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
