«Անկեղծորեն շնորհակալ եմ», «շնորհակալություն բոլորից», եւ այլ շնորհակալական խոսքերով համեմեց իր խոսքը արդարադատության նախարար Հրայր Թովմասյանն այսօր Ազգային ժողովում «ՀՀ քննչական կոմիտեի մասին» ՀՀ օրենքի նախագծի քննարկման ժամանակ: Այդ շնորհակալությունները նախարարն ուղղում էր պատգամավորներին, ովքեր «իրենց փորձով եւ նախկին աշխատանքի շնորհիվ ունեցած տեղեկություններով» վեր հանեցին օրենքի նախագծում եղած խնդիրները:
Այդուհանդերձ, նախարարը չդիմացավ առանց «կծոցների»: Ճիշտ է, «ղալաթ» անելու մեջ չմեղադրեց, սակայն երբ այլ հարցերի թվում անդրադարձավ պատգամավորների, մասնավորապես՝ ՀԱԿ խմբակցության պատգամավոր Նիկոլ Փաշինյանի կողմից բարձրացրած այն հարցին, թե ո՞վ է լինելու այդ միասնական քննչական կոմիտեի նախագահը, նախարարը դա նմանեցրեց «Կիկոսի մահին»:
Նկատենք, որ ըստ Փաշինյանի՝ սա օրենք է ոչ թե Քննչական կոմիտե ստեղծելու մասին, այլ օրենք՝ նախկին գլխավոր դատախազ Աղվան Հովսեփյանին գործի տեղավորելու վերաբերյալ:
«Ո՞վ կլինի, կգնա՞ մարդի, կունենա՞ որդի՝ չգիտեմ»,-ասաց նախարարը եւ ավելացրեց, որ մարմինը, որը ստեղծվում է՝ շատ ավելի երկար է գործելու, քան այն մարդիկ, ում անունները հնչել են:
Կարդացեք նաև
Մելանյա ԲԱՐՍԵՂՅԱՆ
