Ղրիմի իշխանությունները պատրաստ են համագործակցել ոչ թե սադրիչների, այլ՝ միջազգային դիտորդների հետ: Այս մասին Интерфакс-ին հաղորդել է ինքնավարության առաջին փոխվարչապետ Ռուստամ Տեմիրգալիեւը:
Նրա խոսքով՝ «Բաց ենք ու պատրաստ համագործակցել միջազգային իսկական դիտորդների հետ, որոնք այստեղ են գալիս ոչ թե սադրանքներ սարքելու, այլ հանրաքվեի արդարությանը հետեւելու համար: Ինչ վերաբերում Է ԵԱՀԿ-ի առաքելությանը, ապա պատրաստ ենք նաեւ այն ընդունել, եթե համապատասխան մանդատ ու հավաստի փաստաթղթեր ունենա»:
Փոխվարչապետի խոսքով՝ «Մարդկանց այն խումբը, որը ԵԱՀԿ-ի առաքելության անվան տակ փորձում Էր մտնել Ղրիմ, բաղկացած Էր առավելապես ՆԱՏՕ-ի երկրների ներկայացուցիչներից: Նրա կազմում բացառապես ՆԱՏՕ-ի երկրների ռազմական խորհրդականներ Էին: Մեզ ռազմական խորհրդականներ պետք չեն, բայց պատրաստ ենք ընդունել միջազգային դիտորդների, որոնք ազնվորեն կկատարեն իրենց աշխատանքը»:
Եվա ՀԱԿՈԲՅԱՆ
