Տարածաշրջանային հարցերով փորձագետ Տիգրան Աբրահամյանն անդրադարձել է հայ-ադրբեջանական սահմանը հատելու վերջին դեպքերին.
Հայաստանի քաղաքացիների կողմից հայ-ադրբեջանական սահմանը հատելու ու ադրբեջանական կողմում խոշտանգումների ենթարկվելու երևույթը պետք է դիտարկել երկու տեսանկյունից: Առաջին, պետք է ուսումնասիրել այդ ուղղությամբ միջազգային կազմակերպությունների, համանախագահների ու ՀՀ համապատասխան կառույցների աշխատանքն ու գնահատականները: Եվ երկրորդ, խնդիրը պետք է դիտարկել Հայաստանի կողմից իրականացվող պետական սահմանի պահպանության արդյունավետության տեսանկյունից:
Երկար կարելի է փորփրել միջազգային կոնվենցիաներն ու պայմանագրերը` անընդմեջ կոչեր ու նամակներ հղելով տարբեր միջազգային կազմակերպությունների, սակայն փորձենք խնդրին մոտենալ այլ ռակուրսից: Իսկ ի՞նչ ենք անում մենք` կանխարգելելու ՀՀ քաղաքացիների մուտքը սահմանի ադրբեջանական հատված: Եվ ի վերջո, ո՞վ է պատասխանատվություն կրում դրա համար:
Հայաստանի քաղաքացիների` հայ-ադրբեջանական սահմանը հատելու միջադեպերը բավականին մտահոգիչ են ոչ միայն այն առումով, որ Ադրբեջանում վերջիններիս կտտանքների ու անմարդկային վերաբերմունքի են ենթարկում, այլ նրանով, որ մարդիկ անարգել հատում են սահմանը, իսկ Հայաստանում այդ մասին իմանում են ադրբեջանական լրատվամիջոցներից:
Կարդացեք նաև
Ու այս պարագայում ամենևին էլ կարևոր չէ, թե ով, ինչ պատճառով է հատում սահմանը` մոլորությա՞ն, թե՞ հուսահատության, փաստն այն է, որ մարդիկ առանց լուրջ խոչընդոտների հայտնվում են սահմանի` Ադրբեջանի կողմից վերահսկվող հատվածներում:
Մանրամասն՝ կարդացեք այստեղ
